Lenovo dünyada ilk dəfə qatlana bilən ekrana sahib noutbuk modelini təqdim etdi (VİDEO)

Lenovo dünyada ilk dəfə qatlana bilən ekrana sahib noutbuk modelini təqdim etdi (VİDEO)

14.05.2019 PAYLAŞIM

    Lenovo şirkəti özünün ThinkPad X1 noutbuk seriyasının yeni modelini təqdim edib. Sözügedən noutbukun əsas özəlliyi isə ondan ibarətdir ki, o, qatlana bilən sensorlu ekrana sahibdir. Bunun sayəsində istifadəçi cihazdan həm noutbuk, həm planşet, həm də Windows 10 üçün kiçik monoblok kimi istifadə edə bilər. Bu barədə The Verge saytına istinadən 4pda saytı xəbər verib. Beləliklə sözügedən noutbukk 3:2 nisbətli və 2K keyfiyyətli qatlana bilən sensorlu OLED ekrana sahibdir. Tam açıq vəziyyətdə cihazdan planşet kimi və Bluetooth vasitəsilə klaviaturaya qoşulmuş ekran kimi istifadə etmək olar.


    Ekranın qatlanmış formasında isə istifadəçi 9.6 düym ekrana sahib olur və bu rejimdə cihaz sensorlu idarəetmə sisteminə sahib klassik noutbuku xatırladır. Bununla yanaşı bu noutbuk Wacom adlı stilusu da dəstəkləyir. Noutbukun dözümlü konstruksiyası onun sağ hissəsində yerləşdirilmiş batareya çəkisinə tab gətirir. Şirkət noutbukun batareya həcmi barəsində məlumat verməsə də bildirib ki, həmin batareya həcmi vasitəsilə sözügedən noutbuk bütün gün ərzində çalışa bilər. Məlumata əsasən noutbukun çəkisi 1 kq-dan bir qədər azdır. Qatlana bilən Lenovo noutbukunun texniki göstəriciləri barəsində şirkət heç bir məlumat verməyib. Lakin məlum olan odur ki, bu noutbuk Windows 10 əməliyyat sistemli Intel prosessoru əsasında çalışır.


    Noutbuk komplektində olan xüsusi dayaq aksessuarı vasitəsilə istifadəçi cihazdan tam açıq şəkildə stolüstü kompüter kimi istifadə edə biləcək. Bununla yanaşı şirkət bildirib ki, noutbuk şarj prosesi üçün nəzərdə tutulmuş iki ədəd USB Type-C girişinə, stereosəsgücləndiricilərə və Windows Hello vasitəsilə identifikasiya üçün infraqırmızı kameraya sahib olacaq. Şirkət təmsilçiləri bildiriblər ki, qatlana bilən ThinkPad X1 noutbukunun tam təqdimatı 2020-ci ildə baş tutacaq. İndi isə noutbukun ekran şarnirlərinin dözümlülüyü test olunur. Noutbukun hansı qiymətə satılacağı barəsində də bir məlumat yoxdur.




SİZƏ MARAQLI OLACAQ BİR NEÇƏ MƏLUMAT


Redmi Note 8 Pro'nun qiyməti təqdimatdan öncə məlum oldu

Redmi Note 8 Pro smartfon modelinin təqdimatına çox az zaman qalmış onun barəsində demək olar ki, hə..


Redmi brendi artıq K20 smartfon modelinin davamçısı üzərində çalışır

May ayında Xiaomi şirkətinin Redmi brendi Redmi K20 smartfon seriyasını təqdim etmişdi.


Azercell 'Rəqəmsal Dünya Bölgələrdə' layihəsi çərçivəsində uşaqları və məcburi k..

Azercell Telekom “Rəqəmsal Dünya Bölgələrdə” şüarı altında iyul ayından başlayaraq ölkənin şəhər bə ..


Mercedes-Benz şirkəti öz alıcılarını izlədiyini etiraf edib

Smartfon istifadəçiləri artıq təəccüblənmirlər ki, həmin smartfonlr onların yerləşdikləri yerləri iz..


Onlayn sağlamlıq proqramları və məşqlər üçün yeni yerli tətbiq təqdim olundu - F..

Tətbiqin ən əsas üstünlüyü ondan ibarətdir ki, bu proqramlar sizə təsadüfi və kor təbii şəkildə təqd..


ABŞ'ın Huawei şirkətinə təqdim etmiş olduğu lisenziya daha 3 aylıq uzadılacaq..

ABŞ-ın ticarət nazirliyi Huawei şirkətinə qarşı təyin edilmiş sanksiyaların daha 3 ay təxirə salınma..