LG G8 ThinQ smartfonunun dizaynı yeni foto sızıntısı ilə təsdiqləndi

LG G8 ThinQ smartfonunun dizaynı yeni foto sızıntısı ilə təsdiqləndi

Texnologiya
28.01.2019 PAYLAŞIM

    XDA-Developers saytının tərtibatçıları bildiriblər ki, onlar hələ təqdim edilməmiş LG G8 ThinQ flaqman smartfonunun final versiyasının render fotosunu əldə ediblər. Smartfon artıq tanış olan dizayn və yüksək texniki göstəriciləri əldə etməlidir. Bundan əlavə olaraq LG G8 ThinQ modelində istifadəçinin yeni növ identifikasiya sistemi gözlənilir və çox güman ki, onda ənənəvi səsgücləndiricilər olmayacaq. Bu barədə Phonearena saytı xəbər verib. Beləliklə təqdim edilmiş render fotodan da görmək olar ki, LG G8 ThinQ modelinin xarici görünüşü keçən ilki LG G7 ThinQ modelinin xarici görünüşünə bənzəyəcək.


Bənzər xəbər


    LG G8 ThinQ modelinin keçən ilki modeldən fərqləndirici özəlliyi o olacaq ki, yeni smartfonun arxa kamerası üfüqi şəkildə yerləşdiriləcək. Maraqlısı ondadır ki, LG V40 ThinQ modelində şirkət üçlü arxa kameradan istifadə edəndən sonra yeni flaqman smartfonda ikili arxa kameraya geri dönüş etməyi planlaşdırır. Smartfonun barmaq izi skanı texnologiyası isə arxa paneldə yerləşəcək. Render fotosuna əsasən güman etmək olar ki, yeni smartfonun yuxarı hissəsindəki çərçivə keçən ilki modeldən daha qalın olacaq. Bununla yanaşı ekran üzərində çıxıntı hissə yox olmayacaq.

Həmin çıxıntı hissədə ön kamera və nə üçün nəzərdə tutulduğu bilinməyən 4 ədəd ötürücü yerləşdiriləcək. Çox güman ki, LG G8 ThinQ modeli daha təkmilləşdirilmiş Face ID texnologiyasına sahib olacaq. Bundan əlavə olaraq yeni smartfonda danşıq üçün nəzərdə tutulmuş ənənəvi səsgücləndirici sistemini gözləmək lazım deyil. Belə ki, səs smartfon ekranından vibrasiyalar vasitəsilə ötürüləcək. Məlumata əsasən LG G8 ThinQ smartfonu 6.1 düym OLED ekran, Snapdragon 855 prosessoru, 6 GB RAM, 128 GB daxili yaddaş həcmi, 4000 mAh enerji tutumlu batareya və 3.5 mm-lik audiogiriş ilə təchiz olunacaq. Çox güman ki, smartfon Android Pie əməliyyat sistemi vasitəsilə çalışacaq. LG G8 ThinQ modelinin gələn ayın sonunda keçiriləcək MWC 2019 sərgisində təqdim ediləcəyi güman edilir.

Qeyd: Şərhlərdə nalayiq ifadələr işlətmək, reklam xarakterli mətn paylaşmaq qadağandır.

Şərh yoxdur

Şərh yazmaq üçün daxil olun


DAHA ÇOX


Proqramlaşdırma dilləri üçün nəzərdə tutulmuş süni zəka əsaslı tərcüməçi yaradıl..

Think 2021 adlı konfrans çərçivəsində IBM şirkəti süni zəka əsasında yaradılmış CodeNet adlı yeni al..


Starship kosmik gəmisi Texasdan Havay adalarına kimi ilk orbital uçuşunu reallaş..

SpaceX şirkətinin göndərdiyi sorğuya əsasən Starship kosmik gəmisinin prototipi Texas ştatındakı sta..


MediaTek şirkəti büdcəli smartfonlar üçün Dimensity 900 adlı performanslı proses..

MediaTek şirkətinin Dimensity 900 adlı yeni 6 nanometrlik prosessoru yüksək tezlikli təsvir yenilənm..


Apple şirkəti öz portativ oyun konsolunu satışa çıxarda bilər

Son zamanlarda gaming sahəsi daha da böyüyüb və sürətlə inkişaf etməyə davam edir. Bu cür sürətli bö..


Pirat kontent yüklənməsinə görə Starlink istifadəçiləri internetdən məhrum ola b..

Starlink peyk internetinin yayılmasının qarşısında heç gözlənilməz maneə dayana bilər.

×