LG şirkəti öz yeni flaqman modeli olan LG G7 ThinQ modelini təqdim etdi (VİDEO)
03.05.2018
Farid Pardashunas
LG şirkəti sonunda öz yeni flaqman
modeli olan G7 ThinQ smartfonunu təqdim etdi. Smartfon flaqman özəlliklərə,
çıxıntılı böyük ekrana, ikili arxa kameraya və ayrıca Google Assistant düyməsinə
sahibdir. Cihazın ön paneli 3120x1440 piksel keyfiyyətli 19.5:9 nisbətli 6.1
inç IPS ekranla təchiz olunub. Ekranın yuxarı hissəsində iPhone X-dəki kimi
çıxıntı var. Həmin çıxıntının daxilində isə səsgücləndirici, kamera və ötürücü
yerləşdirilib. İstifadəçi öz istəyinə uyğun həmin çıxıntını proqram təminatı
vasitəsilə qara zolağın hesabına gizlədə bilər.
LG G7 ThinQ modelində LG şirkətinin
yeni Super Bright Display texnologiyası istifadə olunur. Beləliklə istifadəçi
gün işığı altında rahatlıqla ekrandan istifadə edə bilər. Bununla yanaşı bu
texnologiya sayəsində ekranın enerji sərfiyyatı 30% aşağı düşür. Smartfonun
arxa paneli də ön panel kimi Gorilla Glass 5 qoruyucu şüşəsi ilə örtülüb.
Cihazın korpusu həmçinin IP68 standartı üzrə sudan və tozdan qorunma özəlliyinə
sahibdir. LG G7 ThinQ-də geniş bucaqlı ikili arxa kamera tətbiq olunub. Lakin
baxış bucağı 120 dərəcədən 107 dərəcəyə endirilib.
Smartfon 16 MP (f/1.6
diafraqmalı) + 16 MP (f/1.9 diafraqmalı) ikili arxa kamera ilə təchiz olunub.
Standart kamera tətbiqində həmçinin AI CAM rejimi tətbiq olunub. Bu rejim sayəsində
kamera kadrdakı səhnələri və obyektləri təyin edə bilir. Şirkətin verdiyi məlumata
əsasən onun hazırladğı alqoritmlər 1000-dən çox obyekti təyin edərək hər bir obyektə optimal çəkiliş rejimini təklif edə bilirlər. Məsələn güllərin şəklini çəkərkən
rəng dolğunluğu artır və ya kadrda çoxlu sayda adam varsa kamera avtomatik şəkildə
geniş bucaqlı rejimə keçid edir. Smartfon həmçinin f/1.9 diafraqmalı 8 MP-lik
ön kamera ilə də təchiz olunub.
Digər texniki göstəricilərə gəldikdə isə LG G7
ThinQ 8 nüvəli Snapdragon 845 prosessoru, 4/6 GB RAM, 64/128 GB daxili yaddaş
(microSD, microSDXC və microSDHC kartlarının dəstəklənməsi), 3000 mAh enerji
tutumlu batareya (Quick Charge 4.0 sürətli enerji yığma özəllikli), iki SIM
kart girişi, USB Type-C girişi və 3.5 mm-lik audiogirişlə təchiz olunub.
Smartfon Android 8.0 Oreo əməliyyat sistemi vasitəsilə çalışır. LG şirkəti yeni
flaqman modelinin satış tarixi və qiyməti barəsində heç bir məlumat verməyib.
Linki kopyala
Bənzər xəbərlər
Oxşar xəbərlər
Həftənin xəbərləri
YouTube öz yeni dizaynını test etməyə başlayıb
Telegram-ın yaradıcısı Pavel Durov geniş müsahibə verib (VİDEO)