MIUI 12 istifadəçi interfeysinin beta versiyası hal hazırda Çində aktiv olaraq test edilir. Bir neçə gün bundan öncə Xiaomi şirkəti MIUI 12-nin qlobal versiyasının təqdimatını tapmaca şəklində təqdim etmişdi. İndi isə MIUI-nin Twitter hesabında istifadəçi interfeysinin 12-ci versiyasının dəqiq təqdimat tarixi elan edilib. Bu barədə Gizchina saytı xəbər verib. Beləliklə verilmiş məlumata əsasən MIUI 12-nin qlobal versiyasının təqdimatı 19 may tarixində baş tutacaq. Təqdimat Youtube servisində canlı yayım formatında keçiriləcək. MIUI 12-nin stabil versiyasının Çində gələn ay istifadəyə veriləcəyi gözlənilir. Digər ölkələrin istifadəçiləri isə bir qədər gözləməli olacaqlar.