MediaTek şirkəti heç bir təqdimat tədbiri keçirtmədən Dimensity prosessor seriyasının yeni modelini anons edib. Söhbət, Dimensity 7200 Ultra-dan gedir. Bu yeni prosessor Dimensity 7200 modelinin bir qədər yaxşılaşdırılmış versiyasıdır. Dimensity 7200 Ultra prosessoru TSMC şirkətinin 2-ci nəsil 4 nanometrlik texnoloji prosesi əsasında hazırlanıb.

    O özündə 2.8 GHz tezlikdə çalışan 2 ədəd Cortex-A715 nüvəsini, 1.8 GHz tezlikdə çalışan 6 ədəd Cortex-A510 nüvəsini və Mali G610 MC4 adlı qrafik çipini birləşdirir. Dimensity 7200 Ultra 144 Hz-ə kimi təsvir yenilənməsinə sahib ekranları, 200 MP-ə kimi olan kameraları, LPDDR5 standartlı RAM yaddaşlarını, UFS 3.1 standartlı daxili yaddaş həcmlərini, Wi-Fi 6E və Bluetooth 5.3 texnologiyalarını dəstəkləyir. Dimensity 7200 Ultra prosessoruna sahib ilk smartfonun yaxın zamanda təqdim olunacağı gözlənilir.