MediaTek Dimensity 8400 subflaqman prosessoru təqdim edilib
Elm & Texnologiya
23.12.2024
Emil
MediaTek şirkəti daha öncə də söz vermiş olduğu kimi yeni subflaqman prosessorunu təqdim edib. Söhbət, MediaTek Dimensity 8400 prosessorundan gedir. Beləliklə bu yeni prosessor TSMC şirkətinin 4 nanometrlik texnoloji prosesi əsasında hazırlanıb. Prosessor 8 nüvəlidir və nüvələr onun tərkibində “1 + 3 + 4” sxemi üzrə yerləşiblər. Bu isə o deməkdir ki, Dimensity 8400 özündə 3.25 GHz tezlikdə çalışan 1 ədəd Cortex-A725 nüvəsini, 3.0 GHz tezlikdə çalışan 3 ədəd Cortex-A725 nüvəsini və 2.1 GHz tezlikdə çalışan 4 ədəd Cortex-A725 nüvəsini birləşdirir.
Şirkət bildirib ki, Dimensity 8300 ilə müqayisədə Dimensity 8400 prosessoru çox nüvəli çalışma rejimində 41% daha yüksək performans sərgiləyir. Onun enerji sərfiyyatı isə Dimensity 8300-ün enerji sərfiyyatından 44% daha aşağıdır. Bu yeni prosessorda qrafik imkanlardan Mali-G720 çipi cavabdehdir.
Prosessor özündə bütün əsas böyük dil modellərini dəstəkləyən NPU 880 adlı neyron çipini də birləşdirir. Dimensity 8400 prosessoru 120 Hz-lik təsvir yenilənməsinə sahib WQHD+ keyfiyyətli və 180 Hz-lik təsvir yenilənməsinə sahib Full HD+ keyfiyyətli ekranları dəstəkləyir. Üstəlik prosessorda 320 MP-ə kimi olan kameraların, LPDDR5X standartlı RAM yaddaşlarının, Wi-Fi 6E-nin və Bluetooth 5.4-ün dəstəkləri reallaşdırılıb. Dimensity 8400-ə sahib ilk smartfonlar yaxın zamanda təqdim olunacaqlar.
Paylaş
Ən çox oxunanlar
ABŞ ordusu zirehli texnika əvəzinə dronlara üstünlük verəcək
