MediaTek Dimensity 9300-ün sadələşdirilmiş versiyası Dimensity 8300-ü təqdim edəcək
Elm & Texnologiya
06.11.2023
Emil
MediaTek şirkəti yaxın saatlar ərzində Dimensity 9300 flaqman prosessorunu təqdim edəcək. İndi isə məlum olub ki, şirkət təqdimat tədbiri çərçivəsində daha bir prosessorunu təqdim edəcək. Söhbət, Dimensity 9300-ün sadələşdirilmiş versiyası olacaq Dimensity 8300-dən gedir. Məlumata əsasən Dimensity 8300-də nüvələr “1+3+4” sxemi üzrə yerləşəcəklər. Yəni prosessor 2.8 GHz tezlikdə çalışan 1 ədəd Cortex-X3 nüvəsini, 2.4 GHz tezlikdə çalışan 3 ədəd Cortex-A714 nüvəsini və 1.6 GHz tezlikdə çalışan 4 ədəd Cortex-A510 nüvəsini əldə edəcək. Bununla yanaşı Dimensity 8300 prosessoru 850 MHz tezlikdə çalışan Mali G52 MC6 qrafik çipinə sahib olacaq.
Paylaş
