MediaTek Dimensity 9400 flaqman prosessoru yeni nüvə arxitekturasını əldə edəcək
Elm & Texnologiya
02.02.2024
Emil
MediaTek şirkətinin bu il təqdim edəcəyi Dimensity 9400 flaqman prosessoru barəsində daha öncə ortaya çıxmış məlumatlarda qeyd edilmişdi ki, şirkət sözügedən prosessorda 4 ədəd Cortex-X nüvəsindən istifadə praktikasını aradan qaldıracaq. Məlum olub ki, bu məlumat həqiqəti tam şəkildə əks etdirmir. Digital Chat Station ləqəbli məşhur insayderin sözlərinə əsasən Dimensity 9400 prosessorunun prototipləri sözün əsl mənasında 4 ədəd eyni Cortex-X nüvəsinə sahib deyillər.
Lakin burda açar söz məhz “eyni”-dir. Məlumatda qeyd edilib ki, prosessorun prototipləri 4 ədəd yüksək performanslı nüvəyə sahibdirlər. Onlardan 1-i Cortex-X5, digər 3-ü isə Cortex-X4 nüvələridir. Onlardan əlavə olacaq Cortex-A720 nüvələri ilə birlikdə prosessor Geekbench-in çox nüvəli testi çərçivəsində 10 000 xal toplayır. Bununla yanaşı Dimensity 9400 TSMC şirkətinin 3 nanometrlik texnoloji proses əsasında hazırlanacağı üçün onda enerji effektivliyi daha yaxşı səviyyədə olmalıdır.
Paylaş
Ən çox oxunanlar
Səudiyyə Ərəbistanının "The Line" layihəsi regiondakı iqlimi dəyişə bilər
