MediaTek Dimensity 9400 flaqman prosessorunun bəzi texniki imkanları məlum olub
Elm & Texnologiya
09.04.2024
MediaTek şirkəti bu il öz yeni flaqman prosessorunu təqdim etməlidir. Söhbət, Dimensity 9400-dən gedir. Ortaya çıxmış yeni məlumata əsasən sözügedən prosessor özündə 30 milyard tranzistoru birləşdirə bilər. Müqayisə üçün qeyd etmək lazımdır ki, iPhone 15 Pro ilə iPhone 15 Pro Max-da istifadə edilən A17 Pro prosessoru 19 milyard tranzistora sahibdir. Məlumatda qeyd edilib ki, Dimensity 9400 prosessoru 9 nüvəli olacaq və nüvələr “1+4+4” sxemi üzrə yerləşəcəklər.
Yəni prosessor özündə 1 ədəd Cortex-X5 nüvəsini, 4 ədəd Cortex-X4 nüvəsini və 4 ədəd Cortex-A720 nüvəsini birləşdirməlidir. Prosessor həmçinin süni zəka və machine learning əməliyyatları üçün yeni nəsil neyron çipinə sahib olacaq. Gözləntilərə əsasən Dimensity 9300 ilə müqayisədə Dimensity 9400-ün qrafik performansı 20% yüksələ bilər. Bu halda o, bu ilin ikinci yarısında təqdim olunacaq Snapdragon 8 Gen 4 prosessorunu rahatlıqla geridə qoya bilər. Qeyd etmək lazımdır ki, Dimensity 9400 prosessoru 3 nanometrlik texnoloji proses əsasında hazırlanacaq.
Şərhlər
Şərh yazmaq üçün Google və ya Facebook hesabınızla daxil olun.
Şərhlər yüklənir...
