MediaTek Dimensity 9400n flaqman prosessorunun nə zaman təqdim olunacağı açıqlanıb
Elm & Texnologiya
31.01.2024
MediaTek şirkətinin CEO-su Rick Tsai şirkətin növbəti flaqman prosessoru olacaq Dimensity 9400-ün nə zaman təqdim olunacağı barəsində məlumat verib. China Times saytı isə sözügedən flaqman prosessorun bəzi texniki imkanlarını açıqlayıb. Beləliklə Rick Tsai-nin sözlərinə əsasən Dimensity 9400 bu ilin dördüncü rübündə təqdim olunacaq.
Qeyd etmək lazımdır ki, hal-hazırda aktual olan Dimensity 9300 keçən ilin noyabr ayında təqdim olundu. Böyük ehtimal ilə Dimensity 9400 bu il də noyabr ayında təqdim olunacaq. Prosessorun texniki imkanlarına gəldikdə, gözləntilərə əsasən o, 3 nanometrlik olacaq və özündə nüvələri “1+3+4” sxemi üzrə birləşdirəcək. Məlumatda həmçinin qeyd edilib ki, Dimensity 9300-dən fərqli olaraq Dimensity 9400-ün süni zəka sistemləri ilə qarşılıqlı əlaqə performansı daha yüksək olacaq.
Şərhlər
Şərh yazmaq üçün Google və ya Facebook hesabınızla daxil olun.
Şərhlər yüklənir...
