İnsayderlərin vermiş olduqları yeni məlumata əsasən Microsoft şirkəti Arm arxitekturası əsasında qurulacaq yeni kompüter prosessorları üzərində çalışır. Bu məsələdə Microsoft Apple şirkətinin yolu ilə getmək istəyir. Məlumatda qeyd edilib ki, Arm prosessorlar layihəsi üzərində Microsoft Silicon komandası çalışır. Bundan əlavə olaraq şirkət gələcək Windows 12 əməliyyat sistemini Arm prosessorlar üçün optimizasiya edir.

    Microsoft-un bir neçə müddət bundan öncə açmış olduğu yeni vakansiyalar məhz bu layihələrdən xəbər verirlər. Şirkət əsasən yüksək performanslı arxitektura əsasında qurulan prosessorların hazırlanması və o cümlədən CPU və GPU arxitekturası ilə dizaynı sahələrində təcrübəyə sahib baş mühəndisin axtarışındadır. Microsoft-un Arm prosessorları barəsində hələ heç bir məlumat yoxdur. Ola bilər ki, şirkət bu cür prosessorları bir neçə ildən sonra təqdim etsin. Bunun olacağı halda şirkət Arm prosessorları özünün Surface seriyasına daxil olan kompüterlərində istifadə edə bilər.