Mütəxəssislər Galaxy Fold'un təmir olunma mümkünlüyünü qiymətləndirdilər

Mütəxəssislər Galaxy Fold'un təmir olunma mümkünlüyünü qiymətləndirdilər

Texnologiya
08.10.2019 PAYLAŞIM

    Samsung şirkətinin ilk qatlana bilən smartfon modeli olan Galaxy Fold artıq bir sıra dözümlülük testlərindən keçib. İndi isə smartfonun daxilində nələrin yerləşdiyini öyrənməyin vaxtı gəli çatıb. Belə ki, iFixit saytının mütəxəssisləri sözügedən smartfonu hissələrə ayırıblar. Aydın olub ki, bu proses heç də sadə bir proses deyil və buna səbəb smartfonun qəliz və qeyri adi konstruksiyaya sahib olmasıdır. Bu barədə Phonearena saytı xəbər verib. Smartfonun dözümlülüyünün yüksək səviyyəyə çatdırılması üçün Samsung mühəndisləri Galaxy Fold-un satışa çıxmış versiyasına bir sıra konstruktiv dəyişikliklər əlavə ediblər.

    İlk növbədə onu qeyd etmək lazımdır ki, smartfon ekranı tamamilə qoruyucu örtük ilə əhatə olunub və həmin qoruyucu örtüyün kənar hissələri smartfonun plastik çərçivələrinin daxilinə yerləşdirlib. Bu onun üçün edilib ki, istifadəçilər həmin qoruyucu örtüyü ekrandan ayıra bilməsinlər. Bununla yanaşı smartfonun ekranı daxili hissədən metal materialdan hazırlanmış gücləndiricilərə sahibdir. Smartfonun şarnir konstruksiyası isə həm yuxarı həm də aşağı hissədən bağlı dizayna sahibdir. Bunun sayəsində smartfon daxilinə toz dənəcikləri daxil ola bilmirlər.

    Bütün bunlara baxmayaraq yenilənmiş Galaxy Fold-un da mənfi tərəfləri mövcuddur. iFixit mütəxxəssislərinin sözlərinə əsasən smartfonun qatlanma mexanizmi müəyyən müddətdən sonra yararsız hala gələrək şarnir konstruksiyasına və ekrana təzyiqi yüksəldə bilər. Smartfonun batareyalarının dəyişdirilməsi prosesi də çox qəlizdir. Belə ki, batareyalar smartfon gövdəsinə yapışdırılıblar. Xarici hissədə olan şüşə isə təmir prossesini çətinləşdirir və təmir prosesi zamanı həmin şüşənin çatlaması təhlükəsi yaranır. Bütün müsbət və mənfi cəhətləri nəzərə alaraq iFixit mütəxəssisləri Galaxy Fold-un təmir olunma mümkünlüyünə 10 xaldan 2 xal veriblər.



SİZƏ MARAQLI OLACAQ BİR NEÇƏ MƏLUMAT


Elon Musk-ın Roadrunner adlı gizli layihəsi: Daha ucuz və yüksək həcmli batareya..

 Son bir neçə ay ərzində Tesla şirkəti öz elektromobilləri üçün batareya istehsalı ilə özünün məşğul..


Citroen şirkəti 4 iPhone qiymətinə satılan Ami adlı elektromobili təqdim etdi (V..

Avtomobil istehsalçısı olan Citroen orijinal dizayna və ultrakompakt ölçüyə sahib Ami adlı elektromo..


Huawei, dünyanın ilk Wi-Fi 6+ routerini təqdim etdi: HarmonyOS ilə işləyəcək..

Huawei bəzi 5G cihazlarını təqdim edərkən Wi-Fi 6+ texnologiyasına malik olan dünyanın ilk routerini..


Samsung yeni nəsil OLED ekranların hazırlandığını elan etdi

Samsung şirkəti yeni nəsil OLED ekranların hazırlandığını elan etdi.


HTC şirkəti Wildfire R70 adlı yeni büdcəli smartfonunu təqdim etdi

Uzun zaman ərzində barəsində səs-səmir gəlməyən HTC şirkəti yeni ildə ilk smartfon modeli olan Wildf..


109 illik qısa film Süni Zəka vasitəsilə 4K keyfiyyətə yüksəldildi

1911-ci ildə çəkilən qısa film Denis Shiryaev tərəfindən 4K keyfiyyətə süni zəka vasitəsilə yüksəldi..