MyFitnessPal servisinin 150 milyon istifadəçisinin məlumatları oğurlandı

    Kimlikləri bilinməyən hackerlər kaloriyə nəzarət imkanını verən MyFitnessPal adlı tətbiqin 150 milyon istifadəçisinin məlumatlarını oğurlayıblar. Bu barədə Bloomberg saytı xəbər verib. Qeyd etmək lazımdır ki, sözügedən tətbiq idman qidası və əşyaları istehsalçısı olan Under Armour şirkətinə məxsusdur. Sözügedən məlumat oğurluğu hadisəsi hələ Fevral ayında baş vermişdir. Lakin onun barəsində məlumat hələ indi ortaya çıxıb.

    Hackerlər tətbiq istifadəçilərinin adlarını, elektron poçt ünvanlarını və gizli şifrələri kimi məlumatları əldə ediblər. Şirkət bildirib ki, istifadəçilərin bank kartı nömrələri, sürücülük vəsiqələrinin nömrələri və sosial sığorta kartlarının məlumatları toxunulmaz olaraq qalıb. Şirkət artıq öz istifadəçilərini baş vermiş hadisə ilə bağlı məlumatlandırıb və onlardan MyFitnessPal tətbiqinin şifrələrini dəyişməyi xahiş edib.

    Bu hadisə haqqında məlumatın verilməsindən sonra Under Armour şirkətinin səhmləri 4.6 aşağı düşüb. Qeyd etmək lazımdır ki, şirkət MyFitnessPal tətbiqini 2015-ci ildə 475 milyon dollara almışdı. Bu tətbiq vasitəsilə istifadəçilər öz kalori sərfiyyatlarını izləyə və bunun əsasında personal məşqləri təyin edə bilirlər. 2017-ci ildə Under Armour-un ümumi satışlarının 1.8%-i (5 milyard dollar) məhz MyFitnessPal-ın sayəsində reallaşdırılmışdı.