Neuralink Blindsight göz implantının insanlar üzərində testlərinə bu il başlaya bilər

     Bir neçə müddət öncə Elon Musk elan etdi ki, onun Neuralink şirkəti bu ilin sonuna qədər öz görmə protezi olan Blindsight-ın insanlar üzərində sınaqlarına başlamağa ümid edir. Viskonsində keçirilmiş Town Hall tədbirində Musk bu innovativ təşəbbüslə bağlı nikbin olduğunu bildirib və qeyd edib ki, şirkətin məqsədi“ görmə qabiliyyətini tamamilə itirmiş insana görmə qabiliyyətini qaytaran ilk implant cihazı yaratmaqdır”. Blindsight protezi birbaşa beynin görmə qabiliyyətinə cavabdeh olan görmə qabığına implantasiya olunmaq üçün nəzərdə tutulub. Bu protez zədələnmiş görmə sinirlərindən yan keçərək neyronları stimullaşdırmaqla vizual təsəvvürlər yarada və nəticə etibarilə görmə qabiliyyətini itirmiş insanlara onu geri qaytara bilər.

     Gözlənilir ki, Blindsight implantı ilkin mərhələdə aşağı keyfiyyətli görüntü təqdim edəcək və bu, əvvəllər Musk-ın da qeyd etdiyi kimi, köhnə videooyun qrafikasını xatırladacaq. Lakin o, hesab edir ki, zamanla bu texnologiya təkmilləşdirilərək təbii insan görmə qabiliyyətindən belə üstün vizual imkanlar təqdim edə bilər. Blindsight implantı artıq heyvanlar üzərində aparılmış sınaqlarda öz effektivliyini göstərib. Protez meymunlarda bir neçə il ərzində uğurla işləyib. Bu sınaqlar, implantın insanlarda tətbiqinə keçid etməzdən əvvəl onun təhlükəsizliyini və effektivliyini təmin etmək baxımından mühüm addım sayılır.

     2024-cü ilin sentyabr ayında ABŞ Qida və Dərman Administrasiyası (FDA) Blindsight cihazına “innovativ cihaz” statusu verib. Bu status, həyati təhlükə yaradan və ya geri dönməz dərəcədə zəiflədən vəziyyətlərin müalicəsi üçün mövcud alternativlərlə müqayisədə əhəmiyyətli üstünlüklər təklif edən tibbi cihazların hazırlanması və qiymətləndirilməsi prosesini sürətləndirmək məqsədi daşıyır. Neuralink Blindsight cihazının ilk dəfə insana implantasiyasına hazırlaşdığı bir vaxtda, tibbi və elmi ictimaiyyət görmə qabiliyyətinin bərpası texnologiyalarında inqilab edə biləcək bu layihəni diqqətlə izləyir.

Mənbə: Newsbytesapp

Bənzər xəbərlər

Elm & Texnologiya

Neuralink öz beyin implantını üçüncü pasientə implantasiya edib

Elon Musk-ın Neuralink şirkəti təqribi olaraq 1 il bundan öncə öz beyin implantını Noland Arbaugh adlı ilk pasientə implantasiya etmişdi.

Elm & Texnologiya

Neuralink Kanadada beyin çipini sınaqdan keçirmək üçün icazə alıb!

Elon Musk-ın beyin implantı şirkəti Neuralink, ABŞ xaricindəki ilk beyin çipi testlərini Kanadada keçirəcək.

Elm & Texnologiya

Neuralink şirkəti Blindsight adlı təcrübi göz implantı hazırlayıb

Elon Musk-ın vermiş olduğu məlumata əsasən onun Neuralink şirkəti Blindsight adlı təcrübi göz implantı hazırlayıb.

Elm & Texnologiya

Neuralink beyin çipi yerləşdirilən ilk xəstə, dil öyrənməyə başlayıb!

Elon Musk-ın beyin-maşın interfeysi şirkəti Neuralink-in ilk xəstəsi olan Noland Arbaugh, beyninə yerləşdirilən çip sayəsində gündəlik həyat bacarıqlarında böyük irəliləyişlər əldə etdiyini və universitetə qayıtmağı planlaşdırdığını bildirib.

Elm & Texnologiya

Elon Musk, Neuralink beyin çiplərini milyonlarla insana implantasiya etməyi hədəfləyir!

Elon Musk, Neuralink layihəsi üçün yeni hədəfini açıqlayıb. O, qarşıdakı 10 il ərzində insanların beyninə milyonlarla Neuralink çipini yerləşdirməyə ümid etdiyini söyləyib.