Neuralink-in rəqibi beyin implantlarının ABŞ-da insanlar üzərində testlərinə start verir

Neuralink-in rəqibi beyin implantlarının ABŞ-da insanlar üzərində testlərinə start verir

Texnologiya
06.05.2022 PAYLAŞIM

    Elon Musk-ın Neuralink layihəsinin rəqibi olan Synchron şirkətinin sözlərinə əsasən onun beyin implantına sahib olan şəxslər fikir gücü vasitəsilə kompüteri idarə edə biləcəklər. Şirkətin yeni beyin implantı Stentrode adını əldə edib. Bu implant beyin siqnallarını qəbul edərək onları pasientin döş qəfəsi hissəsində dərinin altına yerləşdirilmiş qəbulediciyə ötürür. Daha sonra beyin siqnalı qəbuledicidən kompüterə ötürülür və nəticədə pasient fikir gücü vasitəsilə kompüteri idarə edə bilir. Şirkət elan edib ki, o öz implantını ABŞ-da insanlar üzərində ilk testlərə start verir. Beləliklə şirkətin Stentrode adlı implantı 6 nəfər iflic pasientə inteqrasiya ediləcək. Synchron əmindir ki, onun beyin implantı vasitəsilə iflic şəxslər fikir gücü vasitəsilə kompüteri idarə edərək digər şəxslərə mətnli mesajlar, elektron məktublar göndərə və hətta internetdə alış-veriş edə biləcəklər. Stentrode adlı beyin implantı nitinol adlı ərintidən hazırlanmış çərçivəyə sahibdir. Bu, titan nikel ərintisidir.


    Beyin implantının sahib olduğu çərçivə isə öz növbəsində beynin neyron siqnallarını qəbul edə bilən elektrodlarla təchiz olunub. Sözügedən implant beyindəki motor qabığının (ixtiyari hərəkətlərin planlaşdırılması, idarəsi və həyata keçirilməsindən cavabdeh olan hissə) altında yerləşən qan damarına inteqrasiya edilə bilər. İmplantın yerləşdirilməsi üçün pasientin boyun hissəsində kiçik kəsik reallaşdırmaq lazımdır. Sözügedən əməliyyat ürək damarına stentin yerləşdirilməsi əməliyyatına bənzəyir. Beləliklə implant qan damarına yerləşdiriləndən sonra elektrodlar damarın divarlarına sıxılırlar və beyindən gələn neyron siqnallarını qəbul etməyə başlayırlar. Qəbul edilən bu siqnallar daha sonra pasientin döş qəfəsi hissəsində dərisinin altına yerləşdirilmiş qəbuledici cihaza ötürülür.

    Sonda isə həmin qəbuledici cihaz beyin siqnallarının kompüterə ötürülməsini reallaşdırır. Bu üsul ilə pasient kompüter ekranında əks olunan virtual klaviaturanı və ya mouse işarəsini idarə edə bilər. Qeyd etmək lazımdır ki, bu, Stentrode implantının dünyadakı ilk testləri olmayacaq. Sadəcə olaraq implant ABŞ-da ilk dəfə test olunacaq. Daha öncə sözügedən implant Avstraliyadan olan 4 nəfər pasient üzərində test olunub. Həmin testlər nəticəsində məlum olub ki, bu texnologiya təhlükəsizdir və onun əks təsirləri yoxdur. Və ən əsası da odur ki, beyin implantını əldə etmiş şəxslər həqiqətən də fikir gücü vasitəsilə kompüteri idarə edə biliblər. Synchron beyin implantlarını insanlar üzərində test edən ilk şirkətdir. Onun rəqibi olan Neuralink isə öz testlərini hələ ki, heyvanlar üzərində reallaşdırıb.

Qeyd: Şərhlərdə nalayiq ifadələr işlətmək, reklam xarakterli mətn paylaşmaq qadağandır.

Şərh yoxdur

Şərh yazmaq üçün daxil olun


DAHA ÇOX


Naqilsiz yeni Redmi Buds 4 və Buds 4 Pro qulaqlıqları təqdim edilib - QİYMƏTİ..

Redmi brendi 2 ədəd yeni naqilsiz qulaqlığı təqdim edib. Söhbət, Redmi Buds 4 və Buds 4 Pro qulaqlar..


Yeni Xiaomi Mi Band 7 smart qolbağı təqdim edilib - QİYMƏTİ

Redmi brendi Redmi Note 11T Pro və Note 11T Pro+ smartfonlarından əlavə olaraq çoxdan gözlənilən Mi ..


Apple öz cihazlarında fiziki düymələrdən imtina etməyi planlaşdırır

Görünür, Apple şirkəti öz cihazlarında fiziki düymələrdən imtina etməyi planlaşdırır. Şirkətin yeni ..


Snapdragon 8+ Gen 1 və flaqman özəlliklərə sahib Snapdragon 7 Gen 1 prosessorlar..

Qualcomm şirkəti keçirtmiş olduğu xüsusi təqdimat tədbiri çərçivəsində yeni Snapdragon 8+ Gen 1 flaq..


Hələ təqdim olunmamış Xiaomi Mi Band 7 smart qolbağı internet mağazalarının biri..

Xiaomi Mi Band 6 smart qolbağı Çində keçən ilin aprel ayının əvvəlində təqdim edilmişdi...


Acer yeni oyun notebook-larını təqdim etdi - Predator Helios ilə eynəksiz 3D oyu..

Acer 18 May tarixində baş tutan onlayn təqdimat mərasimində əsas oyun xətti olan Predator seriyasınd..

×