Neuralink öz beyin implantını üçüncü pasientə implantasiya edib
Elm & Texnologiya
13.01.2025
Emil
Elon Musk-ın Neuralink şirkəti təqribi olaraq 1 il bundan öncə öz beyin implantını Noland Arbaugh adlı ilk pasientə implantasiya etmişdi. İfliclikdən əziyyət çəkən Noland beyin implantını əldə edəndən müəyyən müddət sonra fikir gücü vasitəsilə kompüter siçanının ekrandakı işarəsini idarə etməyi öyrəndi. Keçən ilin yay fəslində Neuralink öz beyin implantını ikinci pasientə implantasiya etdi. İndi isə Musk rəsmi şəkildə elan edib ki, şirkət öz beyin implantını üçüncü pasientə implantasiya edib.
Beyin implantını əldə etmiş üçüncü pasientin adı açıqlanmayıb. Lakin Musk bildirib ki, Neuralink-in beyin implantını əldə etmiş üç nəfər pasientdə implant problemsiz şəkildə çalışır. Bundan əlavə olaraq Musk bildirib ki, o bu il ərzində 20 və ya 30 nəfər pasientə Neuralink-in beyin implantını implantasiya etməyi planlaşdırır. Qeyd etmək lazımdır ki, Neuralink təkcə beyin implantı üzərində deyil, həmçinin göz implantı üzərində də çalışır. Şirkət hətta keçən il göz implantının prototipini sərgiləmişdi. Bu implant görmə məhdudiyyətli insanlarda görmə qabiliyyətinin nisbətən bərpa edilməsinə hədəflənib.
Paylaş
Bənzər xəbərlər
Tech-Biznes
ABŞ dövlət qurumları OpenAI şirkətinə qarşı olan məhkəmə iddiasında Elon Musk-ın tərəfini tutublar
ABŞ-ın tənzimləyici orqanları süni zəka sahəsində fəaliyyət göstərən OpenAI şirkətinin kommersiya məqsədli şirkətə çevrilməsi prosesinin qadağan olunmasını tələb edən Elon Musk-ın tərəfini tutublar. Söhbət, ABŞ Ədliyyə Nazirliyi və Federal Ticarət Komissiyasından (FTC) gedir.
Sosial Media
X-də (keçmiş Twitter) ödənişli qeydiyyat planlaşdırılır
Elon Musk sahibi olduğu X (keçmiş Twitter) sosial şəbəkəsi ilə bağlı təcrübələr aparmağa davam edir. Bu dəfə Musk sözügedən sosial şəbəkədəki paylaşımlarda tarixlərin aradan qaldırmağa hədəflənib.
Süni İntellekt
Elon Musk: "2025-ci ilin sonuna kimi süni zəka istənilən insanın zəkasından daha güclü olacaq"
Elon Musk müxtəlif mövzular barəsində proqnozlar verməyi sevməklə tanınır. Bu dəfə o, süni zəka sahəsi ilə bağlı növbəti proqnozunu verib.
Proqram Təminatı
Elon Musk, X Mail adlı yeni elektron poçt servisini işə sala bilər
Ortaya çıxmış məlumata əsasən Elon Musk yeni elektron poçt xidmətini işə sala bilər. Məlumatda qeyd edilib ki, bu cür elektron poçt xidməti X Mail adlana bilər.
Digər
Elon Musk ilə ABŞ hökuməti arasında gərginlik yaşanmağa başlanıb!
Elon Musk və ABŞ hökuməti arasındakı münasibətlər gərginləşib. Elon Musk və SpaceX-in ABŞ-ın federal qurumları tərəfindən araşdırıldığı məlum olub. Musk isə baş verənlərə sərt reaksiya göstərib.
Ən çox oxunanlar
Təqdimata sayılı günlər qalmış Samsung Galaxy S25 smartfonlarının reklam fotoları ortaya çıxıb
