Bu seriyanın ən texnoloji modeli olan avtomobil, Chevy Bolt və hətta Tesla Model 3 ilə rəqabət apara bilər. Burda məsələ ilk öncə “Google” və “Apple” şirkətlərinin dəstəkləri ilə yaradılmış “ağıllı” texniki parametrlərdə, unikal avtopilot sistemində və güclü batareyadadır. Yeni model Leaf-in əsas yenilikləri, dizayn baxımından deyil, texniki baxımdan özünü göstərir. Avtomobil, 40 kilovat saat gücə sahib batareya ilə təmin olunub. Nəticədə isə o, 378 km yol qətt edə bilər. Bundan əlavə olaraq bu modelə ilk dəfə olaraq Nissan ProPilot adlı intellektual sistem də əlavə olunub. Bu sistem, avtomobilin avtomatik olaraq park olunması və digər avtomobillərin sıx olduqları yollarda idarəetməni sadələşdirmək üçün nəzərdə tutulub. Sözügedən intellektual sistem, öndə gedən avtomobilləri izləyərək Nissan Leaf-ə düzgün sırada qalmağa yardımçı olur. Baxmayaraq ki, sistem, sürücüdən, əllərini sükandan çəkməməyi tələb edir, tıxac zamanı avtomobilin qaz və tormoz pedallarına basmaq kimi monoton işdən azad edilmək kimi əla hiss yoxdur.

Maraqlısı ondadır ki, avtomobildə yalnız bir ədəd elektrik pedalı qalıb (adətən 2 və ya 3 pedal olur). Sözügedən həmin elektrik pedal, avtomobili işə salır, həmçinin sürət və tormozdan da cavabdeh olur. Hər şey çox sadə şəkildə çalışır. Pedalı daha çox sıxırsınız, avtomobil, sürətini artırırır. Pedaldan ayağınızı çəkdikdə isə avtomobil dayanır. Qalan bütün proseslərə isə avtomobilin intellektual sistemi cavabdehdir. Avtomobil həmçinin, genişləndirilmiş  Apple CarPlay və Android Auto servis dəstəklərini də özündə birləşdirir. Bunun üçün Nissan Leaf, 7 inç-lik ekranla təchiz olunub. Beləliklə avtomobil daxilində təhlükəsiz şəkildə smartfondan istifadə etmək olar. 2019-cu ildə “Nissan”, bu modelin daha böyük həcmli batareyaya sahib versiyasını təqdim etməyi planlaşdırır. Nissan Leaf modelini ön sifariş etmiş şəxslər hədiyyə olaraq Apple Watch Series 2, GoPro HERO5 Black, Nest və ya Google Home əldə edəcəklər. Nissan Leaf-in qiyməti 29.990$ təşkil edir.