Niyə soyudan mikrodalğalı sobalar mövcud deyil?

Niyə soyudan mikrodalğalı sobalar mövcud deyil?

19.03.2018 PAYLAŞIM

    Uşaqkən beynimiz suallarla dolu idi; ”Səma niyə mavidir?”, ”Qaşlarımızın funksiyası nədir?”, ”Niyə planetimizin fırlanmasını hiss etmirik?”, kimi suallar çoxumuzu düşündürüb. Artıq böyümüşük və bu sadə sualların cavabını bilsək də bizim üçün açıqlanması vacib müəmmalar hələ də qalmaqdadır.

Məsələn, sizcə niyə isidən mikrodalğalı soba olduğu halda, soyudan mikrodalğalı soba yoxdur?


    Cavabı sualdan da qarışıqdır! Hansısa mikrodalğalı sobada yeməkləri isitmək çox asandır. Məsələn, donmuş hər hansı bir yeməyi sobanın içinə yerləşdirib, ”Başla/Start” düyməsini sıxsaq mikrodalğalı soba yeməyin içindəki su molekullarını həyəcanlandırmaq üçün müəyyən radio dalğaları göndərəcək. Dərhal sonra isə bir qrup molekulun aktivliyi və ya enerji səviyyəsi həmin yeməyin temperaturunu müəyyən edəcək.

    Lakin molekulları daha soyuq vəziyyətə gətirmək üçün onları sakitləşdirəcək heç bir radio dalğa tezliyi yoxdur.

    Qeyd: İsinmiş molekullar həm də daha yüksək entropiyaya sahibdirlər. Entropiya sözünü elmə ilk dəfə alman alimi Rudolf Klauzius (1854) gətirmişdi. Klauzius istiliyin digər enerji formalarına çevrilməsini xarakterizə etmək üçün bu termini elmə daxil etmişdir. Entropiya sözünün mənası “çevrilmək” deməkdir. Entropiya sistemin nizamsızlıq dərəcəsidir. Bütün dönməyən proseslərdə entropiya artır. Soyuq yeməklər isti yeməklərdən daha aşağı entropiya dərəcəsinə malikdir. Elə bu səbəbdən yeməkləri isitmək soyutmaqdan daha asandır.

    Məsələn, dondurucuya içində çox da donmamış dondurma olan qab yerləşdirdiyiniz zaman dondurmanın ilıq temperaturu dondurucunun ən soyuq hissəsinə doğru axmağa başlayır. Bu entropiyanın düşməsi ilə nəticələnə bilər, amma bütün soyuducunu nəzərə alsaq, xeyr! Çünki soyuducu içindəki qida məhsullarını soyutmaq üçün çoxlu enerji sərf edir. (Soyuducunuzun arxasındakı havanın nə qədər isti olduğunu hiss edirik)

    Sürətlə soyuya bilən bəzi şeylər var. Məsələn, qaz genişlənərək soyuyur, bu səbəblə də yeni püskürdülən aerozol ilk bir neçə saniyə üçün soyuq ola bilər. Lakin maye azot kimi təhlükəli dərəcədə soyuq maddəyə sahib olmayan heç bir avadanlıq yeməyi mikrodalğalı sobanın qızdıra biləcəyi güclə soyuda bilməz.

Qeyd: Şərhlərdə nalayiq ifadələr işlətmək, reklam xarakterli mətn paylaşmaq qadağandır.

Şərh yoxdur

Şərh yazmaq üçün daxil olun


DAHA ÇOX


Redmi Note 8 Pro'nun qiyməti təqdimatdan öncə məlum oldu

Redmi Note 8 Pro smartfon modelinin təqdimatına çox az zaman qalmış onun barəsində demək olar ki, hə..


Redmi brendi artıq K20 smartfon modelinin davamçısı üzərində çalışır

May ayında Xiaomi şirkətinin Redmi brendi Redmi K20 smartfon seriyasını təqdim etmişdi.


Azercell 'Rəqəmsal Dünya Bölgələrdə' layihəsi çərçivəsində uşaqları və məcburi k..

Azercell Telekom “Rəqəmsal Dünya Bölgələrdə” şüarı altında iyul ayından başlayaraq ölkənin şəhər bə ..


Mercedes-Benz şirkəti öz alıcılarını izlədiyini etiraf edib

Smartfon istifadəçiləri artıq təəccüblənmirlər ki, həmin smartfonlr onların yerləşdikləri yerləri iz..


Onlayn sağlamlıq proqramları və məşqlər üçün yeni yerli tətbiq təqdim olundu - F..

Tətbiqin ən əsas üstünlüyü ondan ibarətdir ki, bu proqramlar sizə təsadüfi və kor təbii şəkildə təqd..


ABŞ'ın Huawei şirkətinə təqdim etmiş olduğu lisenziya daha 3 aylıq uzadılacaq..

ABŞ-ın ticarət nazirliyi Huawei şirkətinə qarşı təyin edilmiş sanksiyaların daha 3 ay təxirə salınma..

×