Nokia 9 barəsində yeni məlumatlar və fotolar sızdırıldı

Bir neçə müddət bundan öncə smartfon barəsində bir sıra məlumatlar və onun fotoları yayılmışdı. Sızdırılmış yeni fotolar, smartfon haqqında olan şaiyələri təsdiqləyir. Mənbələrdən birinin verdiyi məlumata əsasən Nokia 9, 5.5 inç QHD OLED ekrana sahib olacaq və onun üst hissəsini 3D şüşə örtəcək. Bununla yanaşı fotodan da görmək olar ki, ekranın kənar hissələri əyilmiş vəziyyətdə olacaq.

Texniki göstəricilərinə gəldikdə isə Nokia 9-un, 6/8 GB RAM, 128 GB daxili yaddaşa, IP68 standartlı sudan və tozdan qorunma özəlliyinə və arxa paneldə barmaq izi skanına sahib olacağı güman olunur. Bununla yanaşı göz qişasının skanı sisteminin olacağı ehtimalı da var. Nokia 8 kimi Nokia 9 da ikili Carl Zeiss arxa kamerasına sahib olacaq və Nokia 8-dən daha keyfiyyətli fotolar çəkmək imkanını verəcək. Bütün bunlardan əlavə olaarq onda fiziki Home düyməsinin olmayacağı gözlənilir. Onun yerinə böyük ehtimalla virtual düymədən istifadə ediləcək.