Hal-hazırda bütün cihazlarda demək olar ki, ən vacib hissə CPU, yəni prosessordur. CPU bazarında AMD, İntel və Qualcomm şirkətləri müəyyən bazar payı ilə fəaliyyət göstərirlər. Son çıxan Apple flaqman cihazlarında istifadə olunan A13 Bionic çipsetinin istehsalında iştirak edən şəxslər tərəfindən hazırlanan Nuvia adındakı yeni çipset əsasən data mərkəzləri üçün nəzərdə tutulub. 

        Nuvia çipsetinin əsas fərqləri daha az güc tələb etməsi, daha çox performans və güc verməsidir. İstehsalçılar həmçinin Google, Arm, Broadcom kimi şirkətlərlə də müqavilələr imzalayaraq 100-ün üstündə patentə malik olduqlarını bildirdilər. Digər çipsetlər kimi Nuvia'nın da ARM arxitekturasını istifadə edəcəyi gözlənilir. Hal-hazırda Dell kimi nəhəng bir şirkətdən 53 milyon dollar investisiya alan Nuvia çipsetindən yaxın günlərdə streaming servislər açan bir çox şirkətin istifadə etməsi düşünülür.