NVIDIA GeForce RTX 5060 və RTX 5060 Ti videokartları barəsində bəzi məlumatlar ortaya çıxıb
Elm & Texnologiya
17.12.2024
Emil
NVIDIA şirkəti keçən həftə rəsmi şəkildə anons etdi ki, o, 5 yanvar tarixində ABŞ-da start götürəcək CES 2025 sərgisi çərçivəsində təqdimat tədbirini keçirəcək. Baş tutacaq tədbirdə şirkət GeForce RTX 50 videokart seriyasını təqdim etməlidir. Tədbir çərçivəsində GeForce RTX 5090, RTX 5080 və RTX 5070 videokartlarının təqdim olunacaqları gözlənilir. Lakin bununla yanaşı şirkət gələn il həmçinin RTX 5060 və RTX 5060 Ti videokartlarını da təqdim edəcək. Bu videokartların 5 yanvar tarixində təqdim olunub-olunmayacaqları bilinmir. Buna baxmayaraq RTX 5060 və RTX 5060 Ti videokartları barəsində bəzi məlumatlar artıq internetdə ortaya çıxıb.
Beləliklə ortaya çıxmış məlumatlara əsasən RTX 5060 videokartı 8 GB-lıq VRAM-a, RTX 5060 Ti videokartı isə 16 GB-lıq VRAM-a sahib olacaq. Hər iki videokartın VRAM-ı GDDR7 standartlı olacaq. Videokartlar özlərində 128 bit-lik yaddaş şinini (qrafik prosessorla videokart yaddaşını birləşdirən bir növ yol) birləşdirəcəklər. Onlarda qrafik prosessor qismində GB206 adlı qrafik prosessor çıxış edəcək və videokartlar məlumatların saniyədə 448 GB sürətlə ötürülməsini təmin edəcəklər. Bu, RTX 4060-dan 65%, RTX 4060 Ti-dan isə 55% daha yüksəkdir. RTX 5060 videokartı 1080p görüntü keyfiyyətli oyunlarda daha faydalı olacaq və bəzi oyunlarda görüntü keyfiyyətini hətta 1440p keyfiyyətinə kimi yüksəltmək mümkün olacaq. RTX 5060 Ti isə öz növbəsində standart olaraq 1440p görüntü keyfiyyətli oyunlarda daha faydalı olacaq.
Paylaş
Bənzər xəbərlər
Elm & Texnologiya
NVIDIA şirkəti GeForce RTX 50 videokart seriyasının təqdimat tarixini elan edib
Gözləntilərə əsasən tədbirdə şirkət 3 ədəd videokartını təqdim edəcək.
Elm & Texnologiya
Mütəxəssislər 2025-ci ilə dair proqnozlarını açıqlayıblar: Dünyada nə dəyişikliklər baş verəcək?
Danimarkalı bir maliyyə qurumu 2025-ci il üçün gözlənilən böyük dəyişiklikləri ümumiləşdirib. İqtisadiyyatdan texnologiyaya, siyasətdən ətraf mühitə qədər reallaşa biləcək qeyri-adi ssenariləri təqdim edirik.
Elm & Texnologiya
NVIDIA-nın yeni nəsil videokartları nə zaman satışa çıxacaqlar?
NVIDIA şirkəti yaxın zamanda GeForce RTX 50 seriyasının videokartlarını təqdim etməlidir. İndi isə yeni nəsil videokartların nə zaman satışa çıxacaqları barəsində məlumat ortaya çıxıb.
Elm & Texnologiya
Asiyanın ən varlı adamı "insanabənzər robot" rəqabətinə qoşulub!
Asiyanın ən varlı insanı, milyarder Mukesh Ambani, Addverb Technologies şirkəti ilə birlikdə insanabənzər robot yarışına qoşulub. Şirkət ilk insanabənzər robotunu 2025-ci ildə təqdim edəcəyini bildirib.
Elm & Texnologiya
NVIDIA və Google kvant prosessorları üçün əməkdaşlığa başlayıb!
Google və NVIDIA kvant prosessorları üçün əməkdaşlıq etdiklərini elan ediblər. Bu əməkdaşlıq çərçivəsində Google mühəndisləri NVIDIA-nın Eos adlı superkompüterindən istifadə edəcəklər.
Ən çox oxunanlar
Honor Magic 7 Pro-nun qlobal versiyası təqdim edilib - QİYMƏTİ
