NVIDIA GeForce RTX 5090, RTX 5080, RTX 5070 və RTX 5070 Ti videokartları təqdim edilib - QİYMƏTİ

CES 2025-dən yayımlarımız Azercell-in eksklüziv tərəfdaşlığı ilə təqdim olunur.

     NVIDIA şirkəti hal-hazırda ABŞ-da keçirilən CES 2025 sərgisi çərçivəsində GeForce RTX 50 videokart seriyasını təqdim edib. Bu seriyaya 4 ədəd videokart daxil olub. GeForce RTX 5090, RTX 5080, RTX 5070 və RTX 5070 Ti. Bununla yanaşı şirkət DLSS 4.0 texnologiyasını da anons edib. İlk öncə RTX 5090 videokartına nəzər yetirək. Sözügedən videokart GDDR7 standartlı 32 GB-lıq VRAM ilə təchiz olunub və o özündə 21 760 ədəd CUDA nüvəsini birləşdirir. Videokartda məlumatların ötürülmə sürəti saniyədə 1792 GB təşkil edir.

     Şirkət bildirib ki, RTX 4090 ilə müqayisədə RTX 5090 videokartı DLSS-in istifadəsi halında iki dəfə daha sürətli çalışır. Məsələn yeni videokart Cyberpunk 2077 oyununda DLSS 4.0-ın istifadəsi və ray tracing texnologiyasının aktiv olduğu halda 238 fps-i təmin edə bilir. RTX 4090-da isə DLSS 3.5-in istifadəsi halında bu göstərici 103 fps təşkil edir. RTX 5090-nın enerji sərfiyyatı isə 575 vatt təşkil edir. RTX 5080 videokartı öz növbəsində GDDR7 standartlı 16 GB-lıq VRAM ilə təchiz olunub və o özündə 10 752 ədəd CUDA nüvəsini birləşdirir. Videokartda məlumatların ötürülmə sürəti saniyədə 960 GB, onun enerji sərfiyyatı isə 360 vatt təşkil edir.

     RTX 5070 Ti videokartı GDDR7 standartlı 16 GB-lıq VRAM ilə təchiz olunub və o özündə 8960 ədəd CUDA nüvəsini birləşdirir. Videokartda məlumatların ötürülmə sürəti saniyədə 896 GB, onun enerji sərfiyyatı isə 300 vatt təşkil edir. RTX 5070 videokartına gəldikdə isə o, GDDR7 standartlı 12 GB-lıq VRAM ilə təchiz olunub və o özündə 6144 ədəd CUDA nüvəsini birləşdirir. Videokartda məlumatların ötürülmə sürəti saniyədə 672 GB, onun enerji sərfiyyatı isə 250 vatt təşkil edir. RTX 5090 və RTX 5080 videokartları 30 yanvar tarixində, RTX 5070 Ti və RTX 5070 videokartları isə fevral ayında satışa çıxacaqlar. Onların satış qiymətləri aşağıdakı kimi olacaq.

- RTX 5090 - 1999$

- RTX 5080 - 999$

- RTX 5070 Ti - 749$

- RTX 5070 - 549$.

Bənzər xəbərlər

Elm & Texnologiya

NVIDIA GeForce RTX 5070 və RTX 5070 Ti videokartlarının bəzi texniki göstəriciləri açıqlanıb

İnsayderlər NVIDIA şirkətinin yaxın zamanda təqdim edəcəyi GeForce RTX 5070 və RTX 5070 Ti videokartlarının özəllikləri barəsində məlumatlar veriblər.

Elm & Texnologiya

NVIDIA GeForce RTX 50 videokartlarından ilk hansının satışa çıxacağı məlum olub

NVIDIA şirkəti 5 yanvar tarixində ABŞ-da start götürəcək CES 2025 sərgisi çərçivəsində GeForce RTX 50 videokart seriyasını təqdim edəcək.

Elm & Texnologiya

NVIDIA GeForce RTX 50 videokartlarının noutbuklar üçün olan versiyaları barəsində məlumatlar ortaya çxıb

Artıq məlumdur ki, NVIDIA şirkəti 5 yanvar tarixində ABŞ-da start götürəcək CES 2025 sərgisi çərçivəsində təqdimat tədbirini keçirəcək.

Elm & Texnologiya

GeForce RTX 5090 videokartı olduqca böyük ölçülü olacaq

NVIDIA şirkəti 5 yanvar tarixində ABŞ-da start götürəcək CES 2025 sərgisi çərçivəsində öz təqdimat tədbirini keçirəcək. Şirkət baş tutacaq təqdimat tədbiri çərçivəsində GeForce RTX 50 videokart seriyasını təqdim edəcək.

Elm & Texnologiya

NVIDIA GeForce RTX 5060 və RTX 5060 Ti videokartları barəsində bəzi məlumatlar ortaya çıxıb

NVIDIA şirkəti keçən həftə rəsmi şəkildə anons etdi ki, o, 5 yanvar tarixində ABŞ-da start götürəcək CES 2025 sərgisi çərçivəsində təqdimat tədbirini keçirəcək. Baş tutacaq tədbirdə şirkət GeForce RTX 50 videokart seriyasını təqdim etməlidir.