NVIDIA şirkəti fərdi ARM prosessorlarını hazırlayacaq

Elm & Texnologiya

24.10.2023

Emil Nəcəfov

Reuters saytının verdiyi məlumata əsasən NVIDIA şirkəti Windows vasitəsilə çalışan kompüterlər üçün nəzərdə tutulmuş ARM arxitekturalı CPU-ların hazırlanmasına start verib. Gözləntilərə əsasən NVIDIA-nın prosessorları müxtəlif sahələrdə Intel və Apple prosessorları ilə rəqabət apara biləcək. Məlumata əsasən NVIDIA-nın ilk ARM prosessorları artıq 2025-ci ildə təqdim oluna bilərlər. Bəzi mənbələr qeyd ediblər ki, həmin ildə həmçinin AMD şirkəti də ARM arxitekturalı prosessorlarını təqdim edə bilər. Jurnalistlərin fikirlərinə əsasən bu öz növbəsində stolüstü kompüter və noutbuklar bazarında Intel ilə Apple şirkətlərinin mövqelərinə təsir göstərə bilər.

Bu cür prosessorların hazırlanmasında həmçinin Microsoft da maraqlıdır. Hələ 2016-cı ildə Microsoft Qualcomm şirkətinə 2024-cü ilə kimi Windows dəstəkli ARM prosessorların istehsalı hüququnu təqdim etmişdi. Nəticə etibarilə Microsoft bazarda digər ARM prosessor istehsalçılarının da ortaya çıxmalarını ciddi şəkildə dəstəkləyir. Digər tərəfdən ARM arxitekturasına keçid məsələsində bəzi çətinliklər də var. Məsələn Intel və AMD tərəfindən aktiv şəkildə istifadə edilən x86 platforması üçün hazırlanmış proqram təminatları desktop prosessorların mobil versiyalarında işə düşmürlər. Bu problemi aradan qaldırmaq üçün isə bir xeyli resurs sərf etmək lazım gələcək.

Linki kopyala

nvidia

nvidia arm

nvidia arm cpu