OnePlus 5T-nin anonsu gəlir

Bu cür ehtimala, internet istifadəçiləri gəliblər. Belə ki, bu ilin İyun ayında təqdim olunmuş OnePles 5 modeli, satışlardan qaldırılıb. Sözügedən cihazı, ABŞ-da sifariş vermək qeyri-mümkündür. Digər bazarlarda isə onu tapmaq çox çətindir. Şirkətin özü isə bu barədə hələki heç bir fikir bildirməyib. Qeyd etmək lazımdır ki, keçən il şirkət, OnePlus 3 modelini, İyun ayında təqdim etdi.

Daha sonra Noyabr ayında OnePlus 3T modelini anons etdi. Görünür bu il də şirkət eyni üsulla getməyə hazırlaşır. Belə ki, bu il də OnePlus 5, İyun ayında təqdim olunmuşdu. Bundan nəticə olaraq çıxır ki, gələn ay bizi yeni modelin təqdimatı gözləyə bilər. Bununla yanaşı Gizmochina saytında yeni modelin fotosu da təqdim olunub.

Nəzərə alsaq ki, bu il bir çox şirkətlər artıq öz çərçivəsiz modellərini təqdim etdilər və “OnePlus” bu baxımdan geridə qalır, onda söyləmək üstünə düşər ki, şirkətdə özünün çərçivəsiz modelini təqdim etmək istəyir. Fotodan da görmək olar ki, dizaynerlər, Galaxy S8 modelindən ilhamlanıblar. Belə ki, fotoda əks olunmuş cihazın kənarları əyilmiş formadadır, üst və alt çərçivələr isə çox nazikdirlər. Lakin bununla belə o, OPPO F5 modelinə çox bənzəyir. Məlumata əsasən yeni OnePlus 5T modelində ən gözə çarpacaq dəyişiklik isə məhz ekranda olacaq. Belə ki, onun 6 inç-lik ekranla təchiz olunması gözlənilir.