Smartfonların ekranlarının yuxarı hissəsində çıxıntı özəlliyi getdikcə daha da məşhurlaşır. OnePlus şirkətində də buna diqqət ayırırlar. İlk öncə şirkətin direktoru bu cür özəlliyiin sevilməyi barəsində tweet paylaşmışdı. Lakin daha sonra o öz tweet-ni silmiş və bildirmişdir ki, OnePlus 6-da çıxıntı hissəsini deaktiv etmək mümkün olacaq.

Bənzər xəbər

    “Mən hələ də fikirləşirəm ki, ekranın potensialından maksimum dərəcədə istifadə etmək lazımdır. Lakin biz istifadəçilərə seçim imkanını vermək istərdik. Yeni funksiya sayəsində smartfonun vəziyyəti və bildirişlər sətrini tamamilə qara fona çevirmək olacaq. Sözügedən funksiya OnePlus 6-nın satışa çıxmasından sonra sistem yeniliyi kimi istifadəçilərə təqdim olunacaq” – deyə şirkətin direktoru bildirib.

    OnePlus bu cür addımı ekran üzərində çıxıntı sevməyən və standart ekran tələb edən istifadəçilərin mənfi rəylərindən sonra atıb. Lakin bu haldan məmnun olan istifadəçilər isə smartfon ekranından iPhone X-dəki kimi istifadə edə biləcəklər. Çox güman ki, OnePlus 6 yaxın zamanda təqdim olunacaq. Belə ki, şirkət artıq OnePlus 5T modelinin satışlarını dayandırıb.