OnePlus 8 Lite smartfonu barəsində yeni xəbər var

    Dünən biz xəbər vermişdik ki, OnePlus 8 smartfon seriyası təqribi olaraq aprel ayında təqdim olunacaq. İndi isə OnePlus 8 Lite smartfon modelinin təqribi təqdimat tarixi barəsində məlumat verilib. Bu barədə 91mobiles saytı xəbər verib. Məşhur hindistanlı insayder Ishan Agarwal-ın sözlərinə əsasən OnePlus 8 Lite smartfonu bu ilin iyul ayında təqdim olunacaq.

    Bundan əlavə olaraq o qeyd edib ki, smartfon MediaTek Dimensity 1000 flaqman prosessor modeli ilə təchiz olunacaq. Qeyd etmək lazımdır ki, bu, Snapdragon 865 prosessorunun rəqibidir. Qeyd etmək lazımdır ki, Dimensity 1000 prosessoru 7 nanometrlik texnoloji proses əsasında hazırlanır və 4 ədəd Cortex-A77 performans nüvəsi, 4 ədəd Cortex-A55 enerji effektivliyi nüvəsi, 5G modem və Mali-G77 qrafik sürətləndirici ilə təchiz olunur.