Orta büdcəli smartfonlar üçün Exynos 1580 prosessoru təqdim edilib

     Samsung şirkəti orta büdcəli smartfonlar üçün nəzərdə tutulmuş Exynos 1580 adlı yeni prosessorunu təqdim edib. Samsung-un bu yeni prosessoru 8 nüvəlidir və onun tərkibində nüvələr “4+4” sxemi üzrə yerləşirlər. Yəni Exynos 1580 özündə 2.9 GHz tezlikdə çalışan 4 ədəd Cortex-A720 nüvəsini və 1.95 GHz tezlikdə çalışan 4 ədəd Cortex-A520 nüvəsini birləşdirir. Prosessorda qrafik imkanlardan Xclipse 540 qrafik çipi cavabdehdir. Samsung bildirib ki, bu yeni prosessor Exynos 1480-dən 37% daha effektiv çalışır. Üstəlik prosessor özündə süni zəka tapşırıqlarının yerinə yetirilməsinə istiqamətlənmiş neyron çipini də birləşdirir. Exynos 1580 prosessoru 144 Hz-lik təsvir yenilənməsinə sahib Full HD+ keyfiyyətli ekranları, LPDDR5 standartlı RAM yaddaşlarını, UFS 3.1 standartlı daxili yaddaş həcmlərini, 200 MP-ə kimi kameraları, Wi-Fi 6E-ni, 5G-ni və Bluetooth 5.4-ü dəstəkləyir. Gözləntilərə əsasən Exynos 1580-i ilk əldə edəcək smartfon Samsung Galaxy A56 5G olacaq.

Bənzər xəbərlər

Cihazlar+

Samsung hələ büdcəli qatlana bilən smartfon təqdim etməyi planlaşdırmır

Samsung şirkəti qatlana bilən Galaxy Z Fold və Z Flip smartfonlarının yaxın zamanda büdcəli versiyalarını təqdim etməyi planlaşdırmadığını təsdiqləyib.

Cihazlar+

Bütün Samsung Galaxy S25 smartfonları Qualcomm-un yeni prosessorunu əldə edəcəklər

Son bir neçə ay ərzində ortaya çıxmış məlumatlarda qeyd edilirdi ki, gələn ilin əvvəlində təqdim olunacaq Samsung Galaxy S25 smartfonlarında müxtəlif prosessorlardan istifadə ediləcək.

Cihazlar+

Samsung qatlana bilən ekranlı noutbukunu patentləşdirib

Elastiki ekranlar hal-hazırda qatlana bilən smartfonlarda istifadə edilir. Lakin istehsalçılar bu cür ekranları digər cihazlarda da istifadə etməyi planlaşdırırlar.

Elm & Texnologiya

Samsung öz cihazları üçün təzyiqin yeni ölçülməsi texnologiyasını patentləşdirib

Samsung şirkəti öz cihazları üçün nəzərdə tutulmuş yeni tibbi texnologiyanı patentləşdirib. Söhbət təzyiqin ölçülməsindən gedir. Şirkətin Galaxy Watch smart saatları bu cür özəlliyə artıq sahibdirlər. Lakin şirkətin yeni patentində təzyiqin fərqli üsulla ölçülməsi əks olunub.

Proqram Təminatı

Android 15 yeniləməsini alacaq bütün smartfonlar!

Android 15, qarşıdakı həftələrdə Samsung, Xiaomi, Oppo və bir çox Redmi telefonlarına gələcək. Bəs hansı telefonlar yeniləmə alacaq? Budur, Android 15 yeniləməsini alacaq bütün smartfon modellərini təqdim edirik.