Orta büdcəli smartfonlar üçün MediaTek Dimensity 8250 prosessoru təqdim edilib
Elm & Texnologiya
13.05.2024
MediaTek şirkəti orta büdcəli smartfonlar üçün nəzərdə tutulmuş yeni prosessorunu təqdim edib. Şirkətin yeni prosessoru Dimensity 8250 adlanır. 4 nanometrlik texnoloji proses əsasında hazırlanmış Dimensity 8250 prosessoru özündə 8 nüvəni birləşdirir. Nüvələr “1+3+4” sxemi üzrə yerləşiblər. Yəni Dimensity 8250 prosessoru özündə 3.1 GHz tezlikdə çalışan 1 ədəd Cortex-A78 nüvəsini, 3 GHz tezlikdə çalışan 3 ədəd Cortex-A78 nüvəsini və 2.0 Ghz tezlikdə çalışan 4 ədəd Cortex-A55 nüvəsini birləşdirir. Prosessorun L3 keş yaddaşının həcmi 4 MB təşkil edir.
MediaTek-in bu yeni orta səviyyəli prosessoru LPDDR5 standartlı RAM yaddaşlarını və UFS 3.1 standartlı daxili yaddaş həcmlərini dəstəkləyir. Prosessorda qrafik imkanlardan ARM Mali-G610 MC6 çipi, süni zəka hesablamalarından isə MediaTek APU 580 çipi cavabdehdir. Dimensity 8250 prosessoru 120 Hz-lik təsvir yenilənməsinə sahib WQHD keyfiyyətli ekranlar ilə 180 Hz-lik təsvir yenilənməsinə sahib Full HD+ keyfiyyətli ekranları, 320 MP-ə kimi kameraları, Wi-Fi 6E və Bluetooth 5.3 texnologiyalarını, o cümlədən 5G-ni dəstəkləyir. Bəzi məlumatlara əsasən Dimensity 8250 prosessorunu ilk əldə edəcək smartfon OPPO Reno 12 ola bilər.
Şərhlər
Şərh yazmaq üçün Google və ya Facebook hesabınızla daxil olun.
Şərhlər yüklənir...
