Orta büdcəli smartfonlar üçün Snapdragon 7+ Gen 3 prosessoru təqdim edilib
Elm & Texnologiya
27.03.2024
Emil Nəcəfov
Qualcomm şirkəti orta büdcəli smartfonlar üçün nəzərdə tutulmuş yeni prosessorunu təqdim edib. Söhbət, Snapdragon 7+ Gen 3-dən gedir. Bu yeni prosessor Snapdragon 7+ Gen 2-nin davamçısıdır. Qualcomm-un sözlərinə əsasən Snapdragon 7+ Gen 2 ilə müqayisədə Snapdragon 7+ Gen 3 prosessoru GPU mövzusunda 45%, CPU mövzusunda isə 15% daha performanslıdır. Snapdragon 7+ Gen 3 prosessoru 4 nanometrlik texnoloji proses əsasında hazırlanıb və o özündə 8 nüvəni birləşdirir. Sözügedən prosessorda nüvələr “1+4+3” sxemi üzrə yerləşiblər. Bu isə o deməkdir ki, prosessor özündə 2.8 GHz tezlikdə çalışan 1 ədəd Cortex-X4 nüvəsini, 2.6 GHz tezlikdə çalışan 4 ədəd Cortex-A720 nüvəsini və 1.9 GHz tezlikdə çalışan 3 ədəd Cortex-A520 nüvəsini birləşdirir.
Bununla yanaşı prosessora Snapdragon X63 5G adlı yeni 5G modem quraşdırılıb. Prosessor süni zəkanın iştirakı ilə kontentlərin lokal şəkildə tərtibatını dəstəkləyir və o, Llama 2 və Gemini Nano kimi böyük dil modelləri ilə uyğunlaşa bilir. Üstəlik Snapdragon 7+ Gen 3 prosessoru 240 Hz-ə kimi təsvir yenilənməsinə və 4K-ya kimi keyfiyyətə sahib ekranları, 24 GB-a LPDDR5X standartlı RAM yaddaşlarını, UFS 4.0 standartlı daxili yaddaş həcmlərini, 200 MP-ə kimi olan kameraları, Wi-Fi 7-ni və Bluetooth 5.4-ü dəstəkləyir. Snapdragon 7+ Gen 3-ü ilk əldə etmiş smartfon isə OnePlus Ace 3V olub.
Linki kopyala
Bənzər xəbərlər
Oxşar xəbərlər
Snapdragon 8s Gen 3 prosessoru təqdim edilib
Snapdragon 8s Gen 3 prosessoru təqdim edilib
Qualcomm şirkəti Snapdragon 8s Gen 3 adlı yeni prosessorunu təqdim edib. Bu yeni prosessor şirkətin Snapdragon 8 Gen 3 flaqman prosessorunun bir qədər sadələşdirilmiş versiyası qismində çıxış edir.
Snapdragon 8 Gen 4-ün sahib ola biləcəyi fərqləndirici özəlliyi açıqlanıb
Snapdragon 8 Gen 4-ün sahib ola biləcəyi fərqləndirici özəlliyi açıqlanıb
Qualcomm oktyabr ayında baş tutacaq Snapdragon Summit 2024 tədbiri çərçivəsində Snapdragon 8 Gen 4 flaqman prosessorunu təqdim edəcək.
Samsung-un Snapdragon X Elite prosessorlu noutbukunun qiyməti açıqlanıb
Samsung-un Snapdragon X Elite prosessorlu noutbukunun qiyməti açıqlanıb
Qualcomm şirkəti Snapdragon X Elite adlı desktop prosessorunu keçən il təqdim etsə də, hələ onun vasitəsilə çalışan heç bir noutbuk təqdim edilməyib.
Snapdragon 8 Gen 4 prosessoru Apple A8 Pro-dan daha sürətli çalışacaq
Snapdragon 8 Gen 4 prosessoru Apple A8 Pro-dan daha sürətli çalışacaq
Qualcomm bu ilin oktyabr ayında Snapdragon 8 Gen 4 flaqman prosessorunu təqdim etməlidir.
Qualcomm yeni prosessorlarının təqdimatını anons edib
Qualcomm yeni prosessorlarının təqdimatını anons edib
Qualcomm şirkəti yeni təqdimat tədbirini anons edib. Şirkətin rəsmi anonsuna əsasən yeni təqdimat tədbiri 18 mart tarixində Çində baş tutacaq.
Həftənin xəbərləri
