Orta səviyyəli güclü smartfonlar üçün MediaTek Dimensity 1300 prosessoru təqdim edilib
Elm & Texnologiya
08.04.2022
Farid Pardashunas
MediaTek şirkəti Dimensity 1300 adlı yeni prosessorunu təqdim edib. Sözügedən prosessor 5G dəstəkli güclü smartfonlar üçün nəzərdə tutulub. 6 nanometrlik texnoloji proses əsasında hazırlanmış bu prosessor 3.0 GHz tezlikdə çalışan 4 ədəd Cortex-A78 nüvəsinə və 2.0 GHz tezlikdə çalışan 4 ədəd Cortex-A55 nüvəsinə sahibdir. Prosessorun qrafik imkanlarından isə Mali-G77 MC9 çipi cavabdehdir.
Dimensity 1300-ə inteqrasiya edilmiş 5G modem məlumatların saniyədə 4.7 Gbit sürətlə yüklənməsini təmin edir. Qeyd etmək lazımdır ki, sözügedən prsessora sahib smartfonlar 16 GB-a kimi LPDDR4x standartlı RAM yaddaşı və UFS 3.1 standartlı daxili yaddaş ilə təchiz oluna bilərlər. Bununla yanaşı Dimensity 1300 modeli 168 Hz-ə kimi olan təsvir yenilənməsi funksiyasını, 2520x1080 pikselə kimi olan ekranları və o cümlədən 200 MP-ə kimi olan kameraları dəstəkləyir. Prosessorda həmçinin Wi-Fi 6 və Bluetooth 5.1 texnologiyalarının dəstəyi də reallaşdırılıb. Sözügedən prosessora sahib ilk smartfonlar yaxın zamanda təqdim olunmalıdır.
Linki kopyala
Bənzər xəbərlər
Oxşar xəbərlər
Həftənin xəbərləri
YouTube öz yeni dizaynını test etməyə başlayıb
Telegram-ın yaradıcısı Pavel Durov geniş müsahibə verib (VİDEO)