Planetdə temperatur daha öncə gözlənildiyindən iki dəfə daha çox artacaq
Elm & Texnologiya
29.10.2024
Emil Nəcəfov
Mütəxəssislərin fikirlərinə əsasən planetimizdə müşahidə edilən qlobal istiləşmə əvvəlki proqnozlardan iki dəfə daha pis olacaq. Burdan da belə qənaətə gəlmək olar ki, Yer kürəsi faciəvi səviyyədə istiləşmə yolunda hərəkət edir. Hələ bir neçə müddət bundan öncə mütəxəssislər bildirmişdilər ki, çox güman ki, Yer kürəsində ortalama temperatur göstəricisini 1.5 dərəcə Selsi sərhədində saxlamaq mümkün olmayacaq. BMT-nin ətraf mühit üzrə proqramı qlobal istiləşmənin 1.5 dərəcə Selsi sərhədində saxlanması üçün zərərli tullantıların miqdarının azaldılması ilə bağlı yeni illik hesabatı təqdim edib və qeyd edib ki, çox güman ki, yaxın zamanda bu məqsədin heç bir mənası qalmayacaq. Mütəxəssislər hesab edirlər ki, planet ortalama temperaturun 2.6-3.1 dərəcə Selsiyə kimi yüksəlməsi yolunda irəliləyir.
Planetin ortalama temperatur göstəricisinin nə qədər yüksələcəyi isə insanların iqlim dəyişikliklərinə səbəb olan mənfi hallarla nə dərəcədə aktiv mübarizə aparmalarından asılıdır. BMT-nin baş katibi Antonio Guterres-in sözlərinə əsasən hal-hazırda dünya planetar kanat üzərində tarazlıq qurmağa çalışır. Dövlətlərin liderləri ya zərərli tullantıların miqdarını azaltmağa nail ola biləcəklər ya da biz, iqlim faciəsindən əziyyət çəkəcəyik. Bununla belə bu cür vəziyyətdən böyük zərəri ən kasıb ölkələr görəcəklər. Hələ 2015-ci ildə baş tutmuş Paris iqlim danışıqlarında dünya liderləri qlobal temperatur yüksəlişini 2 dərəcə Selsidən aşağı göstəricidə məhdudlaşdırmağa və iqlim böhranının 1.5 dərəcə Selsi sərhədində saxlamaq üçün tədbirlərin görülməsinə razılıq vermişdilər.
Mütəxəssislərin sözlərinə əsasən təəssüflər olsun ki, iqlim dəyişikliyinin təhlükəsiz səviyyəsi sadəcə mövcud deyil. Həmin ildə dövlətlər iqlim böhranını məhdudlaşdıracaq strategiyaları tərtib etmişdilər. Tərtib edilmiş strategiyalar 2030-cu ilə qədər nəzərdə tutulmuşdu. BMT tərəfindən təqdim edilmiş yeni hesabata əsasən isə tərtib edilmiş strategiyalar effektiv olmayıblar. Parnik qazlarının qlobal ifrazı böyüməkdə davam edir və 2022-ci il ilə müqayisədə 2023-cü ildə ifraz edilmiş parnik qazlarının həcmi 1.3% daha yüksək olub. Mütəxəssislər hesab edirlər ki, bu templə ortalama temperatur göstəricisi 3.1 dərəcə Selsiyə çatacaq. Hətta dövlətlər öz strategiyalarını yerinə yetirsələr də, bu, temperaturun 2.6-2.8 dərəcə Selsi yüksəlməsinə səbəb olacaq.
Linki kopyala
Bənzər xəbərlər
Oxşar xəbərlər
Ağaclar artıq CO2-ni effektiv şəkildə uda bilmirlər
Ağaclar artıq CO2-ni effektiv şəkildə uda bilmirlər
Aparılmış yeni tədqiqatın nəticələrinə əsasən ağacların karbon qazını udma proseslərinə baxmayaraq Yer kürəsinin atmosferində parnik qazlarının miqdarı artmaqda davam edir.
Almaz tozu ilə qlobal istiləşmənin qarşısını almaq mümkün ola bilər: Bəs necə?
Almaz tozu ilə qlobal istiləşmənin qarşısını almaq mümkün ola bilər: Bəs necə?
Qlobal istiləşmə Dünyadakı hər kəsi təhdid edən amillərdən biridir. Müxtəlif geomühəndislik metodları ilə bunun qarşısının alına biləcəyi düşünülür. Yeni bir tədqiqat isə almaz tozlarının istifadəsini təklif edir.
Planetdəki ortalama temperatur kritik sərhəddən iki dəfə yüksək ola bilər
Planetdəki ortalama temperatur kritik sərhəddən iki dəfə yüksək ola bilər
Tədqiqatçılar güman edirlər ki, insanların bütün səylərinə baxmayaraq planetin qlobal istiləşməsini məhdudlaşdırmaq mümkün olmayacaq və o, 1.5 dərəcə Selsi temperatur sərhədini keçəcək.
Qlobal istiləşmə səbəbilə Antarktida sürətlə yaşıllaşır
Qlobal istiləşmə səbəbilə Antarktida sürətlə yaşıllaşır
Alimlər aparmış olduqları yeni tədqiqat çərçivəsində Antarktidanın və onun iqliminin müşahidəsinə diqqət ayırıblar.
2024-cü ilin yay fəsli tarix ərzində müşahidə edilmiş ən isti yay fəsli olub
2024-cü ilin yay fəsli tarix ərzində müşahidə edilmiş ən isti yay fəsli olub
Yer kürəsində iqlim böhranı davam edir. İqlim böhranı səbəbilə planetimizin müxtəlif nöqtələrində artıq istilik dalğaları, quraqlıqlar və ekstremal hava şəraitləri müşahidə edilir.
Həftənin xəbərləri
