Sony, CES 2020 sərgisində PlayStation 5 konsolunu təqdim etmiş, yaxın günlərdə isə parametrləri sızdırılmışdı. Lakin konsolun son görüntüsü hələ də tam rəsmi yayımlanmayıb. Bu gün isə konsolda olan yeni bir funksiyadan yazmaq istədik. "Remastering Engine".

        HipHopGamer-in doğruluğu yüksək olan mənbələrdən aldığı məlumata görə PlayStation 1-dən başlayaraq PlayStation 4-ə qədər bütün oyunları Playstation 5 konsolunda oynamaq olacaq. Həm də oyunların yenilənmiş hallarını. Hal-hazırda Sony şirkətinin son konsolu PlayStation 4 köhnə oyunları oynamağa imkan vermir. Verilən məlumatlara əsasən, Remastering Engine funksiyası köhnə oyunları 4K-ölçülərə qədər yüksəldə bilər, lakin oyunların tekstura və qrafik paketlərini yaxşılaşdırması mümkün olmayacaq. Hal-hazırda Sony tərtibatçıları PS 5-in Remastering Engine funksiyasını daha yaxşı bir hala gətirmək üçün işləyirlər.