Qatlana bilən Galaxy Z Flip-in texniki özəllikləri barəsində yeni məlumatlar verilib
Elm & Texnologiya
24.01.2020
Farid Pardashunas
XDA-Developers saytının redaktoru qatlana bilən Galaxy Z Flip smartfon modeli barəsində məlumat verməyə davam edir. Yeni məlumata əsasən keçən ilin noyabr tarixində təqdim edilmiş Motorola RAZR dizaynında hazırlanacaq Galaxy Z Flip smartfonu 6.7 düym Dynamic AMOLED ekran ilə təchiz olunacaq və ekranın özü Samsung Ultra Thing Glass texnologiyasına sahib olacaq. Bununla yanaşı smartfon 15 vatt gücündə sürətli şarj texnologiyalı 3300-3500 mAh enerji tutumlu batareyaya da sahib olmalıdır.
Yeni məlumatda qeyd edilib ki, Galaxy Z Flip smartfonu naqilsiz şarj texnologiyasını və ikitərəfli şarj texnologiyasını dəstəkləyəcək. Smartfon keçən ilki Snapdragon 855+ prosessoru vasitəsilə çalışacaq və 256 GB daxili yaddaş həcmi, 12 MP + 2 MP ikili arxa kamera ilə təchiz olunacaq. Barmaq izi skanı tenxologiyası smartfonun kənar hissəsində yerləşdiriləcək. Qeyd etmək lazımdır ki, Galaxy Z Flip smartfonu 11 fevral tarixində Galaxy S20 flaqman smartfon seriyası ilə birlikdə təqdim edilməlidir.
Linki kopyala
Bənzər xəbərlər
Oxşar xəbərlər
Həftənin xəbərləri
Huawei Pura 70 və Pura 70 Pro təqdim olunublar - QİYMƏTİ
Telegram-ın yaradıcısı Pavel Durov geniş müsahibə verib (VİDEO)