Qualcomm iki yeni prosessorunu təqdim etməyə hazırlaşır
Elm & Texnologiya
21.02.2024
İnsayderlərin sözlərinə əsasən Qualcomm şirkəti iki yeni prosessorunu təqdim etməyə hazırlaşır. Məlumatda qeyd edilib ki, söhbət, Snapdragon 8s Gen 3 flaqman prosessorundan və Snapdragon 7+ Gen 3 adlı orta səviyyəli prosessordan gedir. Snapdragon 8s Gen 3 prosessoru SM8635 model nömrəsinə, Snapdragon 7+ Gen 3 prosessoru isə SM7675 model nömrəsinə sahibdir. İnsayderlər bildiriblər ki, hər iki prosessorun arxitekturası Snapdragon 8 Gen 3 flaqman prosessorunun arxitekturası ilə eyni olacaq.
Snapdragon 8s Gen 3 prosessorunun 3.0 GHz tezlikdə çalışan 1 ədəd Cortex-X4 nüvəsinə, 2.6 GHz tezlikdə çalışan 4 ədəd Cortex-A720 nüvəsinə və 1.8 GHz tezlikdə çalışan 3 ədəd Cortex-A520 nüvəsinə sahib olacağı gözlənilir. Snapdragon 7+ Gen 3 prosessoruna gəldikdə isə onun 2.8 Ghz tezlikdə çalışan 1 ədəd Cortex-X4 nüvəsini, 2.4 GHz tezlikdə çalışan 4 ədəd Cortex-A720 nüvəsini və 1.8 GHz tezlikdə çalışan 3 ədəd Cortex-A520 nüvəsini əldə edəcəyi gözlənilir. Bu yeni prosessorlar artıq gələn ay təqdim oluna bilərlər.
Şərhlər
Şərh yazmaq üçün Google və ya Facebook hesabınızla daxil olun.
Şərhlər yüklənir...
