Qualcomm Snapdragon 888-in Lite versiyası və davamçısı üzərində çalışır

Qualcomm Snapdragon 888-in Lite versiyası və davamçısı üzərində çalışır

Texnologiya
09.03.2021 PAYLAŞIM

    Məşhur insayder Roland Quandt yaxın gələcəkdə təqdim olunacaq yeni Snapdragon prosessorları barəsində məlumat verib. Söhbət, Snapdragon 888-in sadələşdirilmiş versiyasından və davamçısından gedir. İnsayder bildirib ki, Snapdragon 888-in hazırlanan Lite versiyası smartfonların qiymətlərini aşağı salacaq və bu halda prosessorun performansında nəzərə çarpacaq dərəcədə dəyişiklik olmayacaq. Məlumatda həmçinin qeyd edilib ki, SM8325 kod nömrəsinə sahib yeni Lite modelin adi Snapdragon 888-dən əsas fərqi ondan ibarət olacaq ki, o, 5G modem ilə təchiz olunmayacaq.

    Buna görə də istehsalçılar 5G şəbəkəsinin hələ lazımi səviyyədə inkişaf etmədiyi və ya ümumiyyətlə olmadığı ölkələrdə daha aşağı qiymətə sahib smartfonları təklif edə biləcəklər. Bundan əlavə olaraq keçən ilki Snapdragon 865 Snapdragon 865 Plus modellərində olduğu kimi smartfon istehsalçıları Snapdragon 888 Lite prosessoruna sahib məhsullarının konstruksiyalarına ayrıca modem inteqrasiyasını reallaşdıra biləcəklər. Bu məsələdə hər şey istehsalçının seçimindən asılı olacaq. Prosessorun Lite versiyasının texniki özəllikləri barəsində hələ heç bir məlumat yoxdur.


    İnsayder həmçinin Snapdragon 888-in davamçısı barəsində də məlumatlar verib. Məlumata əsasən Qualcomm artıq onun üzərində çalışmağa başlayıb. Snapdragon 888-in davamçısı Waipio kod adına və SM8450 kod nömrəsinə sahibdir. Məlumata əsasən yeni flaqman prosessor hal hazırda 12 GB RAM-a və 256 GB daxili yaddaşa sahib cihazda test edilir. İnsayder bildirib ki, Snapdragon 888-in davamçısı Leica şirkəti ilə əməkdaşlıq çərçivəsində hazırlanır. Buna görə də yeni flaqman prosessorda foto çəkilişi özəlliklərindən məhz Leica şirkəti cavabdeh olacaq. Prosessorun texniki özəllikləri barəsində bir məlumat yoxdur. Lakin Snapdragon 888-in davamçısını yaxın zamanda gözləmək lazım deyil. Belə ki, onun təqdimatı ilin sonunda baş tutacaq.

Qeyd: Şərhlərdə nalayiq ifadələr işlətmək, reklam xarakterli mətn paylaşmaq qadağandır.

Şərh yoxdur

Şərh yazmaq üçün daxil olun


DAHA ÇOX


Məşhur analitik Apple şirkətinin ilk AR cihazı barəsində yeni məlumatlar verib..

Məşhur analitik Ming-Chi Kuo-nun yeni hesabatına əsasən Apple şirkətinin AR cihaz (Artırılmış Reallı..


AR texnologiyasının yaradıcısı metakainatı sosial şəbəkələrdən daha təhlükəli he..

Metakainatların (metaverse) yaradılmasının hansı nəticələrə gətirib çıxaracağını öncədən proqnozlaşd..


Apple-dan sonra Xiaomi də öz cihazlarının istifadəçilər tərəfindən fərdi təmir x..

Apple şirkətindən sonra texniki məhsulların istifadəçilər tərəfindən fərdi şəkildə təmir imkanını Xi..


Yeni daşınıla bilən cihaz yüksək dozada narkotik vasitənin qəbulu halında insan ..

Nalokson adlı dərman preparatı heroin və ya digər opioid növlərinin yüksək dozada qəbulu nəticəsində..


Qualcomm bundan sonra öz prosessorlarını fərqli tərzdə adlandıracaq

Qualcomm şirkəti yeni flaqman prosessorunun təqdimat tarixini təsdiqləməklə yanaşı öz məhsullarının ..


Amerikalı alimlər sümüklərə inteqrasiya edilən naqilsiz mikrokompüterlər yaradıb..

Arizona Universitetinin tədqiqatçıları naqilsiz ultranazik cihazlar yaradıblar.

×