Qualcomm Snapdragon 8+ Gen 2 prosessorunun təqdimatına hazırlaşır

    Bir neçə müddət bundan öncə məlumat ortaya çıxmışdı ki, Samsung-un öz flaqman smartfonlarında Snapdragon 8 Gen 2 prosessorunun sürətləndirilmiş versiyasından istifadə lisenziyası sona çatıb. Söhbət, Snapdragon 8 Gen 2 for Galaxy prosessorundan gedir. İnsayderlər bildirmişdilər ki, Qualcomm onu digər brendlər üçün Snapdragon 8+ Gen 2 şəklində təqdim edəcək. Görünür, bu məlumat həqiqəti əks etdirir.

    Belə ki, Digital Chat Station ləqəbli məşhur insayderin verdiyi yeni məlumata əsasən Çindən olan smartfon istehsalçıları yaxın zamanda Snapdragon 8+ Gen 2 prosessoruna sahib smartfonların istehsalına start verəcəklər. Bu isə o deməkdir ki, Qualcomm sözügedən prosessorun təqdimatına hazırlaşır. Bununla yanaşı insayder bildirib ki, Snapdragon 8 Gen 2 ilə Snapdragon 8+ Gen 2 arasında minimal fərqlərin olacağına baxmayaraq yeni prosessor smartfon istehsalçıları üçün baha başa gələcək. Bu isə öz növbəsində smartfonların satış qiymətlərinə təsir göstərəcək.