Qualcomm-un növbəti flaqman prosessorunun qiyməti 200$-dan yüksək ola bilər
Elm & Texnologiya
03.12.2024
Emil
Qualcomm gələn il növbəti flaqman prosessorunu təqdim edəcək. Söhbət, Snapdragon 8 Elite prosessorunun davamçısından (şərti adı Snapdragon 8 Elite 2) gedir. Ortaya çıxmış məlumata əsasən isə Qualcomm gələn il təqdim olunacaq bu flaqman prosessorunun qiymətini artırmağı planlaşdırır. Gözləntilərə əsasən Snapdragon 8 Elite 2 prosessorunun qiyməti 200$-dan yüksək olacaq. Bu isə daha öncəki flaqman Snapdragon prosessorların qiymətlərindən 20% daha yüksəkdir. Məlumatda qeyd edilib ki, növbəti flaqman Snapdragon prosessorunun qiymətinin bu qədər yüksək olacağının əsas səbəbi onun TSMC şirkətinin N3P adlı yeni nəsil 3 nanometrlik texnoloji proses əsasında istehsal olunacağıdır.
Bu yeni nəsil 3 nanometrlik texnoloji proses öz növbəsində prosessorun performans göstəricini 20% artırmalıdır. Prosessorun qiymətinin artımı 2025 və 2026-cı illərdə Samsung, Xiaomi və digər istehsalçıların flaqman smartfonlarının satış qiymətlərində də artıma səbəb ola bilər. Son zamanlarda MediaTek şirkəti mobil prosessorlar bazarında müəyyən pay sahibi olsa da, Qualcomm bu mövzuda liderliyini qoruyub saxlayır. Belə ki, onun Snapdragon prosessorları yüksək keyfiyyətləri ilə seçilirlər. Digər tərəfdən şirkətin daimi şəkildə öz prosessorlarının qiymətlərində artıma yol verməsi smartfon istehsalçıları üçün əlavə təzyiqdir. Bu səbəbdən onlar da öz cihazlarının satış qiymətlərində artıma yol verməyə məcbur olacaqlar.
Paylaş
Bənzər xəbərlər
Elm & Texnologiya
Qualcomm Snapdragon 8s Elite prosessoru üzərində çalışır
Qualcomm şirkəti oktyabr ayının sonunda Snapdragon 8 Elite flaqman prosessorunu təqdim etdi. İndi isə insayderlər bildiriblər ki, şirkət bu flaqman prosessorun bir qədər sadələşdirilmiş versiyası üzərində çalışır.
Tech-Biznes
Qualcomm şirkəti Intel-i bütövlüklə almaq ideyasından imtina edib
Bir neçə müddət bundan öncə məlumat ortaya çıxmışdı ki, Qualcomm şirkəti Intel-i almağı planlaşdırır. Bloomberg saytının təqdim etmiş olduğu yeni məlumata əsasən isə Qualcomm bu cür plandan imtina edib.
Elm & Texnologiya
Qualcomm şirkəti Snapdragon X seriyası ilə büdcəli noutbuklar bazarına daxil olmağa hazırlaşır
Verilmiş məlumata əsasən Qualcomm şirkəti Snapdragon X seriyasının yeni prosessorları vasitəsilə büdcəli noutbuklar bazarına daxil olmağa hazırlaşır.
Elm & Texnologiya
Asiyanın ən varlı adamı "insanabənzər robot" rəqabətinə qoşulub!
Asiyanın ən varlı insanı, milyarder Mukesh Ambani, Addverb Technologies şirkəti ilə birlikdə insanabənzər robot yarışına qoşulub. Şirkət ilk insanabənzər robotunu 2025-ci ildə təqdim edəcəyini bildirib.
Proqram Təminatı
Samsung Galaxy S25 smartfonları mobil oyunlarda kadr tezliyinin 120 fps-ə yüksəldilməsi funksiyasını əldə edəcəklər
Samsung şirkəti gələn ilin əvvəlində Galaxy S25 smartfonlarını təqdim edəcək. İnsayderlərin vermiş olduqları məlumata əsasən sözügedən smartfonlar Qualcomm-un xüsusi texnologiyasının dəstəyini əldə edəcəklər.
Ən çox oxunanlar
Splus.az - Azərbaycanın Əmlak Bazarında Yeni Bir Nəfəs!
