Qualcomm yeni subflaqman prosessorlar üzərində çalışır
Elm & Texnologiya
19.12.2023
MediaTek şirkətinin mobil prosessorlar bazarındakı uğurları Qualcomm-u cavab məhsullar hazırlamağa məcbur edir. Digital Chat Station ləqəbli məşhur insayderin vermiş olduğu məlumata əsasən Qualcomm hal hazırda iki yeni subflaqman prosessor üzərində çalışır. Hazırlanan yeni subflaqman prosessorlar TSMC şirkətinin 4 nanometrlik texnoloji prosesi əsasında istehsal olunacaqlar. Onlardan biri SM7675 model nömrəsinə sahibdir.
Model nömrəsindən belə qənaətə gəlmək olar ki, sözügedən prosessor Snapdragon 7+ Gen 2-nin (SM7475) davamçısı olacaq. Çox güman ki, yeni prosessor Snapdragon 7+ Gen 3 adını əldə edəcək. Hazırlanan ikinci subflaqman prosessora gəldikdə isə o, SM8635 model nömrəsinə sahibdir. Çox güman ki, bu prosessor Snapdragon 8 Gen 3-ün (SM8650) bir qədər sadələşdirilmiş versiyası olacaq və Snapdragon 8s Gen 3 adını əldə edəcək. Sözügedən yeni subflaqman prosessorların artıq gələn il təqdim olunacaqları gözlənilir.
Şərhlər
Şərh yazmaq üçün Google və ya Facebook hesabınızla daxil olun.
Şərhlər yüklənir...
