Redmi 6 və Redmi 6A büdcəli smartfonları Android Pie əməliyyat sistemini əldə edəcəklər
23.06.2019
Farid Pardashunas
Bu ilin aprel ayında Xiaomi şirkəti keçən ilin yay fəslində satışa çıxmış Redmi 6 və Redmi 6A büdcəli smartfon modelləri üçün Android Pie əməliyyat sistemi yenilənməsinin ləğv olunduğunu elan etmişdi. Lakin görünür, şirkət bu fikirdən imtina etdi. Bu barədə Gizchina saytına istinadən Gagadget saytı xəbər verib. Beləliklə Redmi 6 və Redmi 6A büdcəli smartfon modelləri Android Pie əməliyyat sistemini əldə edəcəklər. MIUI interfeysinin rəsmi forumundə yenilənmənin beta mərhələsində iştirak üçün sorğu elan olunub.
Təbii ki, sözügedən smartfonlar üçün stabil əməliyyat sisteminin işıq üzü görməsinə hələ çox zaman var. Belə ki, test mərhələsi çərçivəsində şirkət bir çox problemləri aşkar edib onları aradan qaldırmalıdır. Hər ehtimalda sevindirici haldır ki, şirkət nəticə etibarilə bu smartfon modelləri üçün əməliyyat sistemi yenilənməsindən imtina etmədi. Onu da qeyd etmək lazımdır ki, aprel ayının sonunda Redmi 6 və Redmi 6A modelləri Android 8.1 Oreo əməliyyat sistemi əsasında yeni MIUI interfeysi yenilənməsini əldə etmişdilər.
Linki kopyala
Bənzər xəbərlər
Oxşar xəbərlər
Həftənin xəbərləri
YouTube öz yeni dizaynını test etməyə başlayıb
Telegram-ın yaradıcısı Pavel Durov geniş müsahibə verib (VİDEO)