Xiaomi şirkətinin Redmi brendi öz ultrabüdcəli smartfon modeli olan Redmi 8A-nı təqdim etdi. Smartfonun əsas özəllikləri arasında Snapdragon prosessoru, təkmilləşdirilmiş arxa kamera modulu, sürətli şarj texnologiyasına sahib böyük həcmli batareya və aşağı qiymət göstəricisi var. Bu barədə Fonearena saytı xəbər verib. Beləliklə Redmi 8A modeli HD+ keyfiyyətli 6.2 düym IPS ekrana sahibdir. Ekran üzərində isə ön kamera üçün nəzərdə tutulmuş damcı formalı çıxıntı hissə yerləşdirilib. Smartfonun ekranı həmçinin Gorilla Gıass 5 qoruyucu şüşə ilə örtülüb.

    Əsas texniki göstəricilərə gəldikdə isə Redmi 8A Snapdragon 839 prosessoru, 2/3 GB RAM, 32 GB daxili yaddaş həcmi (512 GB-a kimi microSD dəstəkli), 12 MP-lik (f/1.9 diafraqmalı Sony IMX363) bir ədəd arxa kamera, 8 MP-lik ön kamera və 18 vatt gücündə enerji qəbul etməyə qadir sürətli enerji yığma texnologiyalı 5000 mAh enerji tutumlu batareya ilə təchiz olunub. Smartfon həmçinin Face Unlock funksiyasına, USB Type-C girişinə və 3.5 mm-lik audiogirişə də sahibdir. Redmi 8A MIUI 10 interfeysli Android Pie əməliyyat sistemi vasitəsilə çalışır. Smartfon 29 sentyabr tarixində Hindistanda satışa çıxacaq. 2 GB RAM-a sahib olan versiya 91$-a, 3 GB RAM-a sahib olan versiya isə 98$-a satılacaq.