main-post-cover

    Redmi brendinin ikinci smartfonu Redmi Go rəsmi olaraq təqdim edildi

    Elm & Texnologiya
    29.01.2019
    Orxan Jafarli
        Bu ilin əvvəlində Xiaomi şirkətindən ayrılaraq müstəqil brendə çevrilmiş Redmi artıq öz ikinci smartfon modelini təqdim etdi. Söhbət, Redmi Go smartfonundan gedir. Bu barədə Gizchina saytı xəbər verib. Smartfonun adından bəllidir ki, sözügedən cihaz Android Go proqramı çərçivəsində istehsal edilib və Google şirkətinin məşhur əməliyyat sisteminin daha sadələşdirilmiş versiyası əsasında çalışır. Bundan əlavə olaraq smartfon kompakt ölçülərə sahib olub.

        Beləliklə Redmi Go smartfonu 1280x720 piksel keyfiyyətli 5 düym ekran, Snapdragon 425 prosessoru, 1 GB RAM, 16 GB daxili yaddaş həcmi, f/2.2 diafraqmalı 8 MP-lik arxa kamera, f/2.2 diafraqmalı 5 MP-lik ön kamera və 3000 mAh enerji tutumlu batareya ilə təchiz olunub. Smartfon Android 8.1 Oreo (Go Edition) əməliyyat sistemi vasitəsilə çalışır. Redmi Go həmçinin Google şirkətinin servislərinin Go versiyalarına da sahibdir. Redmi Go gələn aydan 80 avro qiymətində satışa çıxacaq.

    Linki kopyala