Xiaomi-nin Redmi brendi 2022-ci ildə Redmi Pad adlı planşetini təqdim etmişdi. Görünür, Redmi indi onun davamçısı üzərində çalışır. Bu barədə məlumatı Digital Chat Station ləqəbli məşhur insayder təqdim edib. Onun sözlərinə əsasən Redmi Pad 2 planşeti xun kod adına sahibdir və cihaz artıq bir neçə sertifikatlaşdırma agentliyində qeydiyyatdan keçib. Redmi-nin yeni planşetinin texniki özəllikləri barəsində məlumat yoxdur. Lakin insayder bildirib ki, o, Snapdragon prosessoru vasitəsilə çalışmalıdır. Müqayisə üçün qeyd etmək lazımdır ki, keçən il təqdim edilmiş Redmi Pad planşeti MediaTek Helio G99 prosessoru vasitəsilə çalışır. Güman etmək olar ki, Redmi Pad 2 planşeti ya 90 ya da 120 Hz-lik təsvir yenilənməsinə sahib IPS LCD ekran ilə təchiz olunacaq. Planşet bu ilin üçüncü rübündə təqdim edilməlidir.