Reuters: Apple şirkəti öz ilk elektromobilini 2024-cü ildə satışa çıxardacaq

Reuters: Apple şirkəti öz ilk elektromobilini 2024-cü ildə satışa çıxardacaq

Texnologiya
22.12.2020 PAYLAŞIM

    Apple şirkəti öz ilk avtomobilinin irimiqyaslı istehsalına 2024-cü ildə start verməyi planlaşdırır. Şirkətin avtomobili elektrikli mühərrik vasitəsilə çalışacaq və avtopilot sistemi ilə yeni nəsil batareya texnologiyasını əldə edəcək. Bu barədə Reuters saytı xəbər verib. Reuters saytının verdiyi məlumata əsasən Apple şirkətinin Titan kod adına sahib bu layihəsi 2014-cü ildən ləngimişdi. Lakin nəticədə şirkət öz diqqətini proqram təminatından ayırdı və layihənin komandasını dəyişdi.

    Avtomobil layihəsinə rəhbər qismində şirkətin veteranı Doug Field təyin olundu. O isə öz növbəsində yeni vəzifəsinin ilk ilində komandadan 190 nəfəri qovdu. Bundan sonra şirkət sözügedən layihədə inkişafa nail oldu və indi öz avtomobilinin istehlakçı versiyasının hazırlanması mərhələsinə çatıb. Bazarın digər təmsilçilərindən fərqli olaraq Apple şirkəti yüksək səviyyəli avtopilot sisteminin dalınca qaçmır..


Belə ki, şirkətin bu layihə üzrə strategiyası yeni batareya sistemi üzərində qurulub.

    Mühəndislərin planlarına əsasən yeni batareya sistemi şarj prosesinin qiymətini aşağı salacaq və avtomobilin daha çox yol qətt etməsinə imkan verəcək. Şirkət öz avtomobilində bir elementli batareya sistemindən istifadə etməyi planlaşdırır. Bu isə batareyanın ayrı-ayrı hissələrinin həcmini yüksəldəcək və əlavə elementlərdən azad olma sayəsində avtomobil konstruksiyasında əlavə yerin yaranmasına şərait yaradacaq. Avtomobilin avtopilot sistemi LiDAR skanerləri əsasında çalışacaq. Bu skanerlər avtomobil ətrafında olan mühitin həcmli xəritəsini yaratmağa imkan verəcəklər.

    Bu məsələdə Apple hazır texnologiyanın tapılması məqsədilə bir sıra şirkətlərə müraciət etsə də nəticədə məsələnin öhdəsindən fərdi şəkildə gəlməyi qərara alıb. Şirkətin öz ilk avtomobilini necə istehsal edəcəyi bilinmir. Çox güman ki, avtomobil üçün olacaq ayrı-ayrı detallar fərqli şirkətlər tərəfindən istehsal ediləcək. Bundan əlavə olaraq heç istisna deyil ki, şirkət sadəcə öz skanerləri ilə proqram təminatını məşhur avtomobil istehsalçısının hansısa avtomobil modelinə inteqrasiya etsin.

Qeyd: Şərhlərdə nalayiq ifadələr işlətmək, reklam xarakterli mətn paylaşmaq qadağandır.

Şərh yoxdur

Şərh yazmaq üçün daxil olun


DAHA ÇOX


Yeni Snapdragon 8 Gen 1 flaqman mobil prosessoru təqdim olunub

Baş vermiş çoxlu sayda məlumat sızıntısından sonra Qualcomm şirkəti sonunda özünün yeni flaqman pros..


Çindən olan kriptovalyuta maynerləri Qazaxıstanda elektrik enerjisi kəsintilərin..

2021-ci ilin əvvəlindən başlayaraq Çin hökuməti Çində kriptovalyuta mayninqi ilə mübarizə aparmağa b..


Alimlər öz kopyalarını istehsal edə bilən və PacMan-a bənzəyən bioloji ksenobotl..

Beynəlxalq alimlər komandası mikroskopik ölçüdə olan canlı orqanizmlər yarada biliblər. Yaradılmış o..


Apple bəzi cihazları üçün nəzərdə tutulmuş naqilsiz şarj stansiyasını təqdim edə..

Bloomberg saytının verdiyi məlumata əsasən Apple şirkəti AirPower adlı naqilsiz şarj stansiyasından ..


Apple şirkətinin ilk AR cihazı nə zaman təqdim olunacaq və nə zaman satışa çıxac..

İlk Apple Watch modelinin satışa çıxmasından 6 il sonra Apple şirkəti özü üçün yeni olan bazara daxi..


Cənubi Koreyanın uşaq bağçalarında uşaqların tərbiyələri ilə smart robotlar məşğ..

Cənubi Koreyanın paytaxtı Seulda yerləşən uşaq bağçalarında robotlar təhsil bələdçiləri rolunda da ç..

×