Biz artıq dəfələrlə məlumat vermişik ki, Samsung şirkəti 2 yeni qatlana bilən smartfon modelini satışa çıxartmağı planlaşdırır. Lakin ortaya çıxmış yeni məlumata əsasən qatlana bilən smartfon modellərinin sayları 2-dən çox olacaq. Bu barədə Gagadget saytı xəbər verib. Çinin Weibo adlı sosial şəbəkəsində şirkətin bilinməyən qatlana bilən smartfon modelinin poster fotosu ortaya çıxıb.

    Son məlumat sızıntılarına əsasən smartfon Galaxy Z adını əldə edəcək və o, iki tərəfdən qatlana biləcək. Teme ləqəbli insayder qeyd edib ki, şirkətin ikinci qatlana bilən smartfonu Galaxy Fold-un növbəti versiyası olacaq və ola bilər ki, həmin smartfon Galaxy Z Fold adını əldə etsin. Üçüncü smartfon modeli isə Galaxy Z Flip olacaq və o, keçən ilin sonunda təqdim edilmiş Motorola RAZR ilə rəqabət aparacaq.

    Qeyd etmək lazımdır ki, Galazy Z Flip smartfon modelinin 11 fevral tarixində Galaxy S20 flaqman smartfon seriyası ilə birlikdə təqdim olunacağı gözlənilir. Gözləntilərə əsasən Galaxy Z Flip modeli Snapdragon 855 prosessoru, 6.7 düym ekran, 25 vatt gücündə sürətli şarj texnologiyalı iki ədəd batareya və ekran üzərində şüşə materialdan hazırlanmış qoruyucu örtük ilə təchiz olunacaq.