Samsung'dan kompakt ölçülü Galaxy Book S noutbuku

Samsung'dan kompakt ölçülü Galaxy Book S noutbuku

08.08.2019 PAYLAŞIM

    Bu gecə Samsung şirkəti Galaxy Note 10 ilə Galaxy Note 10+ flaqman smartfon modellərindən başqa bir məhsul da təqdim etdi. Söhbət, kompakt ölçüyə sahib Galaxy Book S noutbuk modelindən gedir. LTE modemə və nazik metal gövdəyə sahib bu noutbuk yüksək performanslı Snapdragon prosessoru əsasında hazırlanıb və yüksək zaman ərzində çalışmaq özəlliyi ilə seçilir. Belə ki, bir dəfə şarj olunandan sonra bu noutbuk hətta aktiv şəkildə istifadə zamanı 24 saat çalışa bilir. Bu barədə 4pda saytı xəbər verib.


    Samsung təmsilçilərinin sözlərinə əsasən bu yeni məhsul noutbuk ilə smartfon özəlliklərini bir araya toplayır. Smartfon özəlliklərindən burda LTE modemi və yüksək avtonom göstəricisini qeyd etmək olar. Göstəricilərə əsasən video izləmə rejimində noutbuk 23 saat çalışmağa qadirdir. Bununla yanaşı passiv soyutma sistemi sayəsində noutbuk demək olar səssiz çalışır.


    Əsas texniki göstəricilərə gəldikdə isə Galaxy Book S modeli 1920x1080 piksel keyfiyyətli 13.3 düym sensorlu TFT ekran, 2.84 GHz tezlikdə çalışan Snapdragon 8cx prosessoru, LPDDR4X standartlı 8 GB RAM, 256/512 GB daxili yaddaş həcmi (1 TB-a kimi microSD dəstəkli), 42 vatt saat batareya həcmi və barmaq izi skanı texnologiyası ilə təchiz olunub.


    Noutbuk gövdəsinin ən nazik sahəsinin qalınlığı 6.2 mm təşkil edir. Bu cür kosntruksiyanın mənfi cəhəti ondan ibarətdir ki, ona çoxlu sayda giriş yerləşdirmək olmur. Buna görə də Galaxy Book S yalnız bir ədəd USB Type-C girişi ilə təchiz olunub. Noutbuk Windows 10 Home əməliyyat sistemi vasitəsilə çalışır. Galaxy Book S bu ilin sentyabr ayında 999$ qiymətində satışa çıxacaq.



SİZƏ MARAQLI OLACAQ BİR NEÇƏ MƏLUMAT


Redmi Note 8 Pro'nun qiyməti təqdimatdan öncə məlum oldu

Redmi Note 8 Pro smartfon modelinin təqdimatına çox az zaman qalmış onun barəsində demək olar ki, hə..


Redmi brendi artıq K20 smartfon modelinin davamçısı üzərində çalışır

May ayında Xiaomi şirkətinin Redmi brendi Redmi K20 smartfon seriyasını təqdim etmişdi.


Azercell 'Rəqəmsal Dünya Bölgələrdə' layihəsi çərçivəsində uşaqları və məcburi k..

Azercell Telekom “Rəqəmsal Dünya Bölgələrdə” şüarı altında iyul ayından başlayaraq ölkənin şəhər bə ..


Mercedes-Benz şirkəti öz alıcılarını izlədiyini etiraf edib

Smartfon istifadəçiləri artıq təəccüblənmirlər ki, həmin smartfonlr onların yerləşdikləri yerləri iz..


Onlayn sağlamlıq proqramları və məşqlər üçün yeni yerli tətbiq təqdim olundu - F..

Tətbiqin ən əsas üstünlüyü ondan ibarətdir ki, bu proqramlar sizə təsadüfi və kor təbii şəkildə təqd..


ABŞ'ın Huawei şirkətinə təqdim etmiş olduğu lisenziya daha 3 aylıq uzadılacaq..

ABŞ-ın ticarət nazirliyi Huawei şirkətinə qarşı təyin edilmiş sanksiyaların daha 3 ay təxirə salınma..