Reklam
Samsung-dan yeni Galaxy Buds Live adlı naqilsiz qulaqlıqlar - QİYMƏTİ

Samsung-dan yeni Galaxy Buds Live adlı naqilsiz qulaqlıqlar - QİYMƏTİ

Texnologiya
06.08.2020 PAYLAŞIM

    Galaxy Note 20 flaqman seriyası ilə birlikdə Samsung şirkəti dünən Galaxy Buds Live adlı yeni naqilsiz qulaqlıqları təqdim etmişdi. Maraqlı dizayna sahib bu qulaqlıqlar ətraf səs-küyün boğulması sistemini, smartfonlarla qarşılıqlı əlaqə üçün nəzərdə tutulmuş unikal funksiyaları və bir dəfə şarj olunandan sonra uzun müddət çalışmaq özəlliyini əldə ediblər. Galaxy Buds Live tamamilə yeni dizaynda reallaşdırılıb və paxlaya bənzəyir. Qulaqlıqların bu cür dizayna sahib olmaları, onlardan hətta uzunmüddətli istifadəni də komfortlu edir. Qulaqlıqlar 12 mm-lik səsgücləndiricilər və aşağı tezlikləri yüksəltmək üçün AKG brendinin bas kanalları ilə təchiz olunublar.


    Bununla yanaşı Galaxy Buds Live 3 ədəd mikrofona da sahibdir. Onlardan ikisi xarici biri isə daxilidir. İlik keçiriciliyi üçün nəzərdə tutulmuş vibrasiya ötürücüsü öz növbəsində telefon danışıqları və audioların yazılması zamanı səsin keyfiyyətli ötürülməsini təmin edir. Səsin keyfiyyət göstəricisinin yüksəldilməsi üçün həmçinin akselerometrdən istifadə olunur. Qulaqlıqlarda olan bu akselerometr istifadəçinin ağız hərəkətlərini və başının istiqamətini təyin edir. Səs-küylü mühitdə musiqinin dinlənilməsindən və telefon danışıqlarından diqqətin yayınmaması üçün Galaxy Buds Live-da ətraf səs-küyün aktiv boğulması sistemi reallaşdırılıb.

    Adətən bu sistem qapalı tərz qulaqlıqlarda reallaşdırılır. Lakin Samsung şirkəti bunu açıq tərz gövdəyə sahib qulaqlıqlarda reallaşdırıb. Şirkətin verdiyi məlumata əsasən yeni qulaqlıqlar 700 Hz-dən aşağı diapazonda aşağı tezlikli səslərin boğulmasını təmin edir. Bu isə ətrafda olan metro və avtobus səslərinin 97% boğulması deməkdir. Qulaqlıqların idarəetmə sistemi toxunuşa əsaslanır. Bu üsul ilə dinlənilən musiqini saxlamaq və ya davam etdirmək, gələn zənglərə cavab vermək, dinlənilən musqiləri dəyişmək və s. əməliyyatları reallaşdırmaq olar.

    Toxunuş vasitəsilə işə düşən əməliyyatları Galaxy Wearable tətbiqi vasitəsilə ayarlamaq olar. Qulaqlıqların özləri 60 mAh, onlar üçün nəzərdə tutulmuş xüsusi keys isə 472 mAh enerji tutumlu batareya ilə təchiz olunub. Ətraf səs-küyün boğulması özəlliyinin aktiv olduğu halında qulaqlıqlar 6 saat ərzində, aktiv olmadığı halda isə 8 saat ərzində çalışa bilirlər. Keys vasitəsilə şarj olunma funksiyasını nəzərə almaqla qulaqlıqlar səs-küyün boğulması özəlliyinin aktiv olduğu halında 21 saat, aktiv olmadığı halında isə 29 saat çalışa bilirlər.

    Qulaqlıqların əldə etdikləri daha bir maraqlı funksiya Galaxy Buds Live adlanır. Bu funksiya Galaxy Note 20 smartfonları vasitəsilə video çəkən zaman qulaqlıqlardan naqilsiz mikrofon şəklində istfadəni təmin edir. Bu üsul ilə smartfonlar vasitəsilə müsahibə götürən zaman yüksək keyfiyyətli səsi təmin etmək olar. Galaxy Buds Live qulaqlıqları artıq bugündən satışa çıxır. Qulaqlıqların qiyməti 170$ təşkil edir.

Qeyd: Şərhlərdə nalayiq ifadələr işlətmək, reklam xarakterli mətn paylaşmaq qadağandır.

Şərh yoxdur

Şərh yazmaq üçün daxil olun


DAHA ÇOX


Amazon Alexa hətta vəfat etmiş insanların səsləri vasitəsilə danışa biləcək..

Amazon şirkəti dünən Las Veqasda keçirilmiş Re:Mars adlı konfrans çərçivəsində etik nöqteyi nəzərdən..


Samsung bazardakı ən kiçik piksellərə sahib yeni 200 MP-lik kamera sensorunu təq..

Samsung şirkəti mobil kameralar üçün nəzərdə tutulmuş yeni 200 MP-lik kamera sensorunu təqdim edib...


iPhone 13 Pro Max - kamera testləri - detallı icmal (VIDEO)

Yadınızdadırsa, Apple-ın yeni iPhone 13 seriyası təqdim olunanda hələ Azərbaycana gəlməmiş hər 4 cih..


MediaTek flaqman smartfonlar üçün yeni Dimensity 9000+ prosessorunu təqdim edib..

MediaTek şirkəti flaqman smartfonlar üçün nəzərdə tutulmuş yeni Dimensity 9000+ prosessorunu təqdim ..


Apple yaxın gələcəkdə artırılmış reallıq cihazını təqdim edə bilər..

Apple şirkətinin yaxın gələcəkdə qarışıq reallıq (AR + VR) cihazını satışa çıxardacağı barəsində məl..


Həvəskar blogger PS5-in 20 mm-lik qalınlığa sahib qeyri-rəsmi Slim versiyasını y..

İstifadəçilərin bir hissəsinin PS5-i aldığı, digər hissəsinin isə PS5 Slim ilə PS5 Pro-nu gözlədiyi ..

×