'Samsung' kənarları maksimal şəkildə əyilən smartfonun patentini aldı

Patent fotolardan görmək olar ki, şirkət arxa qapağa kimi əyilə biləcək və yarıdairəvi görünüşə sahib olacaq smartfon üzərində çalışır. Patentin təsvirində isə qeyd olunub ki, bu cür formaya sahib ekran istifadəçi interfeysini yeni səviyyəyə qaldıracaq və smartfondan tamamilə başqa cür istifadəyə istifadəçini məcbur edəcək.

İlk baxışdan düşünmək olar ki, bu texnologiya sadəcə olaraq elə patent şəklində qalaraq heç zaman reallaşdırılmayacaq. Lakin 2014-cü ildə Galaxy Note Edge ilə bağlı bütün skeptik xəbərləri və məlumatları nəzərə almaq lazımdır. Nəticədə smartfon işıq üzü gördü. Günümüzdə isə bu cür texnologiya ilə heç kimi təəccübləndirmək mümkün deyil. Belə ki, demək olar ki, hər bir Çin şirkəti qıraqları əyilmiş smartfonu istifadəçilərə təqdim etməyə çalışır. Hər halda “Samsung”un bu patentinə şans vermək lazımdır.