Samsung növbəti flaqman Exynos prosessoru üzərində çalışır
Elm & Texnologiya
13.03.2023
Farid Pardashunas
Fevral ayının əvvəlində təqdim edilmiş Galaxy S23 smartfon seriyasına daxil olan bütün modellərin Snapdragon 8 Gen 2 prosessoru ilə təchiz olunmalarına baxmayaraq Samsung özünün yeni Exynos flaqman prosessoru üzərində çalışmağa davam edir. İnsayderlərin vermiş olduqları yeni məlumata əsasən Samsung-un hazırladığı növbəti flaqman Exynos prosessoru Exynos 2300 adını əldə edəcək. Sözügedən prosessor şirkət daxilində Quadra kod adına sahibdir.
Məlumatda qeyd edilib ki, Exynos 2300 prosessoru 1+4+4 nüvə arxitekturasını əldə edəcək. Yəni prosessor 3.09 GHz tezlikdə çalışan 1 ədəd Cortex-X3 nüvəsini, 2.65 GHz tezlikdə çalışan 4 ədəd Cortex-A715 nüvəsini və 2.1 GHz tezlikdə çalışan 4 ədəd Cortex-A510 nüvəsini əldə edəcək. Samsung-un keçən ilki flaqman prosessoru kimi Exynos 2300 da AMD-nin RDNA 2 qrafik çipini əldə edəcək. Samsung yeni flaqman Exynos prosessorunu bu ilin ikinci yarısında təqdim edə bilər.
Linki kopyala
Bənzər xəbərlər
Oxşar xəbərlər
Həftənin xəbərləri
Huawei Pura 70 və Pura 70 Pro təqdim olunublar - QİYMƏTİ
Telegram-ın yaradıcısı Pavel Durov geniş müsahibə verib (VİDEO)