Samsung, Display Week 2024-də müxtəlif yeni məhsullarını təqdim edib. Bunlardan biri də OLED ekran panellərini əvəz edəcək növbəti piksel texnologiyası olan QD-LED displey-lərdir. Şirkətin bildirdiyinə görə, yeni displey texnologiyası elektrik enerjisinin birbaşa kvant nöqtələrinə tətbiq edərək LED və ya OLED ekran panellərinə olan ehtiyacı aradan qaldırır. Bu ekranların ən böyük üstünlükləri uyğun qiymətə, yüksək parlaqlığa və yanğına qarşı daha çox davamlılığa sahib olmaqlarıdır. Samsung, "QD-LED"in üstün baxış təcrübəsi üçün daha geniş rəng qamutuna və yüksək rəng dəqiqliyinə sahib olduğunu bildirir. Tərkibində heç bir üzvi material olmadığı üçün bu ekranlar, uzunmüddətli zədələrə qarşı daha çox davamlılıq göstərə bilir.

     "QD-LED"in digər bir üstünlüyü isə onun Inkjet Printing (IJP) istifadə edilərək istehsal oluna bilməsidir. Bu həm istehsalın səmərəliliyini artırır, həm də xərcləri azaldır. QD-LED panelləri həmçinin kadmiumsuz kvant nöqtələrindən istifadə edir. Buna görə də bu ekran panelləri ətraf mühitə daha az zərər vurur. Samsung tərəfindən nümayiş etdirilən QD-LED ekran paneli, 18.2 düym böyüklüyə, 3200 x 1800 (202 PPI) təsvir ölçüsünə və 250 nit parlaqlığa malikdir. Bu xüsusiyyətlərin elə də cəlbedici görünməyinə baxmayaraq, bunun bir prototip olduğunu unutmamaq lazımdır. QD-LED və ya QDEL-in arxasında duran Nanosys, displey texnologiyasının inkişafı ilə məşğuldur. Şirkət 2025 və ya 2026-cı ildə tam istehsala keçməyi planlaşdırır.