'Samsung' şirkəti Galaxy A8 (2018) və Galaxy A8+ (2018) modellərini təqdim etdi

'Samsung' şirkəti Galaxy A8 (2018) və Galaxy A8+ (2018) modellərini təqdim etdi

Texnologiya
19.12.2017 PAYLAŞIM

“Samsung” şirkəti rəsmi olaraq Galaxy A8 (2018) və Galaxy A8+ (2018) modellərini təqdim etdi.

Yeni smartfonlar orta seqment üçün nəzərdə tutulsa da, onlar flaqman modellərinin bəzi özəlliklərini özlərində birləşdirirlər. Buna misal olaraq yeni smartfonlar 18:9 nisbətində ekrana və nazik çərçivələrə sahibdirlər. Bundan əlavə bu modellər şirkətin ilk smartfonlarıdır ki, ikili ön kamera ilə təchiz olunublar. Galaxy A8 (2018) 5.6 inç, Galaxy A8+ (2018) isə 6 inç ekrana sahibdir. Hər iki halda da 2220x1080 piksel keyfiyyətli Super AMOLED matrisasından istifadə olunur. Hər iki smartfonun arxa qapağı şüşədən hazırlanıb, korpusları isə IP68 standartı üzrə sudan və tozdan qorunurlar.



Barmaq izi skanı arxa paneldəki kameranın alt hissəsində yerləşdirilib. Yeni smartfonlarda şirkət nəinki xarici görünüşə həmdə kameralara böyük diqqət ayırıb. Belə ki, f/1.7 diafraqmalı 16 MP-lik arxa kamera faza avtofokusuna sahibdir. Ən maraqlısı isə ön kameralardır. Hər iki smartfon da biri 16 MP digəri isə 8 MP olmaqla ikili ön kamera ilə təchiz olunub. Foto çəkən zaman böyük plan və ya bokeh effektini əldə etmək üçün ön kameralar arasında seçim etmək mümkündür. Video çəkən zaman isə təsvirin rəqəmsal stabilizasiyası funksiyasını aktiv etmək olar.


Texniki göstəricilərə gəldikdə isə hər iki smartfon 2.2 GHz tezlikli 8 nüvəli Exynos prosessoru, 4/6 GB RAM (6 GB RAM yalnız A8+ modelində var), 32/64 GB daxili yaddaş (microSD dəstəkli) və 3000/3500 mAh enerji tutumlu batareya ilə təchiz olunub. Həmçinin smartfonlar USB Type-C girişini də özlərində birləşdirirlər və Android 7.1.1 Nougat əməliyyat sistemi vasitəsilə çalışırlar. Smartfonlar gələn ayın əvvəlində satışa çıxacaqlar. Onların qiymətləri barəsində isə heç bir məlumat verilməyib.

Qeyd: Şərhlərdə nalayiq ifadələr işlətmək, reklam xarakterli mətn paylaşmaq qadağandır.

Şərh yoxdur

Şərh yazmaq üçün daxil olun


DAHA ÇOX


Elon Musk-ın Boring Company şirkəti Las-Veqasda 51 stansiyalı yeraltı tunellər s..

Nevada ştatının Klark adlı dairəsi Elon Musk-a məxsus olan Boring Company şirkətinin planına razılıq..


Apple M1 Max-ın qrafik çipi bençmark testlərində Nvidia GeForce RTX 2080 Super-i..

Reddit istifadəçilərindən biri Apple şirkətinin yeni prosessoru olan M1 Max-ın sahib olduğu qrafik ç..


Məşhur insayder Snapdragon 898 və MediaTek Dimensity 2000 barəsində yeni məlumat..

Digital Chat Station ləqəbli məşhur çinli insayder Snapdragon 898 ilə MediaTek Dimensity 2000 proses..


Məşhur analitik: 'Apple qarışıq reallıq cihazının istehsalını təxirə salıb'..

Son zamanlar Apple şirkətinin qarışıq reallıq (AR+VR) eynəyini satışa çıxardacağı barəsində çoxlu sa..


Xiaomi-nin öz ilk elektromobil istehsalına nə zaman başlayacağı məlum olub..

Smartfonları ilə tanınan Xiaomi şirkəti yaxın bir neçə il ərzində öz elektromobil istehsalına start ..


Intel Core i9-dan daha güclü: Apple M1 Max prosessoru Geekbench testlərindən keç..

Yeni MacBook Pro (2021) noutbuklarının təqdimatlarından sonra internetdə M1 Max prosessorunun ilk Ge..

×